Concellaría de Cultura de Ourense

[07 Outubro 2018]

A TROPA TRAPALLEIRA DE BOCABERTA

Auditorio de Ourense

A Tropa Trapalleira, Rosiña, Laranxiño e Mariña, presentan “Pequena trapallada e algunha que outra batalla”.

Un espectáculo para nenos e nenas de 6 a 99 anos, 100% dinámico e colorista que nos fai reflexionar sobre o absurdo da guerra e as súas consecuencias. A través do traballo corporal dos actores que bebe da farsa e da commedia dell'arte e apoiándose na música e na videocreación, constrúen un universo de diversión no que se poñen en valor cousas tan importantes como a amizade, o respecto, o compañeirismo e o amor.

Un catálogo de trapalladas bélicas que, a través do humor, pretende invocar á tolerancia e á solución pacífica dos conflitos como bálsamo necesario nestes inquietantes tempos armados.

Teatro infantil

Idade recomendada de 6 a 12 anos

Sala principal

Duración 55 m

Entradas: anticipada: 3€ e na billeteira: 4€.

[07 Outubro 2018]

BOMBINO + DESERT MOUNTAIN TRIBE EN OURENSE | SON ESTRELLA GALICIA

Auditorio de Ourense

O fogar. O lugar onde permanecen as nosas almas e corazóns. Para Bombino e a maioría de  Tuaregs, só hai un lugar que reúne estas características. Bombino invita a reflexionar evocando os seus pensamentos na preciosa canción "Tehigren" ("Trees") do seu novo álbum "Deran" : "No olvides aquellos árboles verdes / en nuestros valles del Sahara / a la sombra de los cuales / descansan las hermosas chicas / siempre radiantes y adorables.”.

Como celebrar ese fogar no deserto, como protexelo, desenvolvelo, unificalo, respectalo e sobre todo, nunca esquecelo; esta é a temática principal. Vestido con dez temas repletos de madurez e poder, que marcan un punto de inflexión na carreira deste excelente guitarrista e compositor que naceu á sombra dunha acacia a uns oitenta quilómetros ao noroeste da antiga cidade de Agadez.

Segundo manifesta o mesmo Bombino: "Mi misión, para este álbum, siempre fue acercarme a África". O resultado final do proceso é fresco e poderoso. SI. Bombino e os seus fieis músicos trazaron un itinerario polo deserto a través dos misteriosos sons contemporáneos procedentes do Sáhara.

Concerto na Sala Azul

Público +18anos

Abertura de portas ás 20.30

Entradas Anticipada:18 €  Billeteira: 22€