CONTACTO

  • prem risco
  • Verán cultural
  • Premio poesía
  • Auditorio
  • EdC
  • Volver

    ActividadesExposicións e espazos expositivos

     

    [23 Septembro 2018 12:00 ]

    CONTOS DO RECREO DE RUDRUM PRODUCCIONES

    Auditorio de Ourense

    Historia inspirada libremente en "Conto de Nadal" de Charles Dickens. Nesta ocasión a nosa protagonista é Alicia, unha rapaza que goza facéndolle a vida imposible ás súas compañeiras, e que se verá inmersa nunha aventura que a cambiará para sempre. 

    No recreo previo ao exame máis importante do curso chegará, coma se fose a protagonista do País das Marabillas, ata un máxico lugar onde habita Xacobe, o estrafalario bedel custodio da impoñente porta que coroa o lugar. Para poder saír de alí e chegar ao exame, Alicia terá que resolver os enigmas e superar os obstáculos que se agochan tras a porta dos recreos pasados, presentes e futuros. Aprendendo que a agresividade e a falta de empatía só conducen á infelicidade e a frustración e que para poder quererse a si mesma e aos demais ten que desterrar esas condutas da súa vida.

    Espectáculo optimista, colorista e emocionante con música en directo onde non faltarán os monicreques, a maxia, os efectos de iluminación, unha impresionante escenografía, un álbum ilustrado, e na que un video-mapping porá a guinda de encanto a este espectáculo que deleitará tanto a pequenos como a maiores.

    Teatro musical en galego

    Público recomendado de 4 a 12 anos

    Sala Principal

    Duración 50 m

    Entradas: anticipada 3€ e na billeteira 4 €

    [27 Septembro 2018 20:30 ]

    LA ZANJA (A GABIA) DE TITZINA TEATRO

    Auditorio de Ourense

    Miquel, técnico dunha multinacional mineira, chega a unha explotación da compañía en Sudamérica. Alfredo (o alcalde) e a súa comunidade agardan este novo descubridor. Prodúcese o reencontro de dous mundos e de formas diferentes de entender a vida. As ambicións, oportunidades e consecuencias da implantación da mina, marcan o futuro do lugar e das súas relacións entre veciños.

    Os protagonistas son transportados a un momento clave da historia durante o descubrimento de América: o encontro entre Pizarro e Atahualpa.

    Teatro contemporáneo en castelán

    Público adulto

    Sala Principal

    Duración 50 m

    Entradas: anticipada 5€ e na billeteira 6 €

    [29 Septembro 2018 20:30 ]

    MAREM LADSON EN CONCERTO

    Auditorio de Ourense

    Resulta bastante incrible que alguén grave un primeiro disco con só 19 anos e presente este nivel de imaxinación compositiva, profundidade nas letras e capacidade de interpretación. A súa seguridade no escenario sorprende. Con só un single (All My Storms, 2017) chamou a atención de medios e programadores, catalogando á galega/estadounidense como unha das promesas más firmes do panorama musical. Esa promesa faise realidade no seu disco de debut homónimo. Composto por once cancións que fan un percorrido polo pop, o rock e o folk , gravado da man de Brian Hunt e Juan Diego Gosálvez en El Invernadero (Madrid), soa inquieto, ambicioso, especial. Hai espazo para hit como Shades of Blue, tamén para clásicos instantáneos como Everything I've Ever Lost (Is Coming Back); elegantes e emocionantes cancións introspectivas (For and About, My Corazón) e pezas que insinúan que o futuro camiño creativo de Marem será apaixonante (Coming Home, Losing Control). Temas que falan de autoafirmación, do paso á vida adulta e de ser unha muller adolescente. Non é un disco normal.

    Sala Azul

    CONCERTO

    Apertura de portas ás 20.30h

    Prezo Anticipada: 10€  Billeteira: 14€

    [30 Septembro 2018 12:00 ]

    O AGASALLO DE ANYA DE TEATRO MARIONETAS TRÉCOLA

    Auditorio de Ourense

    Anya e Xiana son dúas nenas que viven separadas por catro mil km, e unidas por todo o demais: sentimentos, ilusións, proxectos, ansia de felicidade...

    Xiana sufrirá unha transformación a partir de coñecer a historia de nenas e nenos doutros lugares do mundo, como Anya, isto provocará un intercambio entre as dúas protagonistas que cambiará para sempre as súas vidas.

    Nesta obra, Xiana e Anya descubrirannos as razóns polas que os mellores agasallos non se reciben, danse, achegándonos desde un mundo de ilusión a realidades nas que tod@s temos algo que dicir

    Unha obra baseada no conto orixinal de Sabela Núñez Singala representada con marionetas de distintas técnicas de manexo dentro dunha escenografía en continuo cambio.

    TEATRO MARIONETAS

    Idioma galego Sala Principal Duración 50m Público    Infantil + de 5 anos

    Prezo: anticipada: 3€ e na billeteira: 4€

    [05 Outubro 2018 18:00 ]

    CANTACONTOS DE PABLO DÍAZ

    Auditorio de Ourense

    Pablo Díaz fará unha viaxe a través dos contos coa música como fío condutor,tratando temas e rutinas adaptadas para os máis pequen@s. Para conseguilo,botará man de instrumentos como frautas, guitarra, harmónica, e algúns dos seus temas máis populares.Unha sesión relaxada onde a fantasía e a ilusión serán as protagonistas, e na que grandes e miúdos axudarán a cantar e a entoar as melodías e retrousos.

    Música para bebés ata 3 anos

    Sala Apego

    Dúas funcións, ás 18.00 e ás 19.00h

    Duración 45 m

    Entradas: anticipada: 3€ e na billeteira: 4€.Gratuíto para bebés

    [07 Outubro 2018 12:00 ]

    A TROPA TRAPALLEIRA DE BOCABERTA

    Auditorio de Ourense

    A Tropa Trapalleira, Rosiña, Laranxiño e Mariña, presentan “Pequena trapallada e algunha que outra batalla”.

    Un espectáculo para nenos e nenas de 6 a 99 anos, 100% dinámico e colorista que nos fai reflexionar sobre o absurdo da guerra e as súas consecuencias. A través do traballo corporal dos actores que bebe da farsa e da commedia dell'arte e apoiándose na música e na videocreación, constrúen un universo de diversión no que se poñen en valor cousas tan importantes como a amizade, o respecto, o compañeirismo e o amor.

    Un catálogo de trapalladas bélicas que, a través do humor, pretende invocar á tolerancia e á solución pacífica dos conflitos como bálsamo necesario nestes inquietantes tempos armados.

    Teatro infantil

    Idade recomendada de 6 a 12 anos

    Sala principal

    Duración 55 m

    Entradas: anticipada: 3€ e na billeteira: 4€.

    [14 Outubro 2018 12:00 ]

    PAVILLÓN LINO DE CARAMUXO TEATRO

    Auditorio de Ourense

    "Pavillón Lino" é a nova proposta escénica de Caramuxo teatro para toda a familia.Un espectáculo que nace para homenaxear o desaparecido Pavillón Lino da Coruña, espazo cultural de estética modernista adicado a todo tipo de actividades artísticas, teatro, cine, baile, monicreques, cómicos, autómatas...

    Unha trepidante comedia de variedades pola que desfilarán unha morea de pintorescas personaxes: os auténticos autómatas; os monicreques de cachiporra; Monquina "A  gorila bailarina" e como non, Charito de Mera e a súa pulga. Un espectáculo cunha coidada posta en escena para gozar en familia..

    "Nomeado a Mellor Espectáculo Infantil nos Premios María Casares 2017"

    Teatro infantil en galego

    Idade recomendada a partir de 5 anos

    Sala principal

    Duración 45 m

    Entradas: anticipada: 3€ e na billeteira: 4€

    [21 Outubro 2018 12:00 ]

    A BIBLIOTECA MÁXICA 3.0 DE PALLASO PIRULETA & CÍA.

    Auditorio de Ourense

    A Biblioteca Máxica é un proxecto educativo que consta de varias obras diferentes coa mesma plástica e estilo, onde o seu protagonista vive diversas aventuras a través dos libros, o teatro e a bibliografía de personaxes célebres.

    Don Renato é un bibliotecario atípico: transforma os contos en cancións, repara libros con maxia, convive con seres fantásticos, … Un día visítao Piruleta, un rapaz novo na vila e xuntos farán unha animación teatral á lectura que xamais esquecerán...Unha aventura musical co pallaso Piruleta e o músico-mago Javi.

    Teatro de marionetas en galego

    Sala Azul do Auditorio municipal

    Público infantil a partir de 3 anos

    Duración 60 m    

    Entradas: anticipada: 3€ e na billeteira: 4€

    [27 Outubro 2018 20:30 ]

    AS CRIADAS DA COMPANHIA DE TEATRO DE BRAGA / SEIVA TRUPE – TEATRO VIVO

    Auditorio de Ourense

    Como nunha matrioska o texto dentro do texto dentro do testo, como nunha historia que se repite sen fin como dúas irmáns devotas e humildes como nunha cebola que se descasca como nunha vida que se vive como o pracer de un serial killer como dúas criadas que visten xestos da patroa como que adrenalina que se experimenta como dúas irmás que adestran o odio para atinxir o indicible, como dúas irmás curvadas como o cuspe que nos sae da boca, como o esgarro que se engole e nos aperta a gorxa, como se vive a Liberdade, como a suor dunha penetración anal, como un tremer de dentes nun silencio de xeo, como un pedazo de carne que sae quente do forno e como entra á forza na boca do corpo, como se maquilla a soidade, como dous corpos combaten, como dúas bocas se abren, como dúas bocas se pechan, como o tempo do silencio, como cando nada se escoita, como a palabra: AMOR!

    Teatro para + 14 anos Sala principal Idioma portugués Duración 90 m

    Entradas: anticipada: 5€ e na billeteira: 6€

    [28 Outubro 2018 12:00 ]

    MARTIÑA SOÑADORA

    Auditorio de Ourense

    “Martiña soñadora”  cancións de autoría propia con ritmos brasileiros, portugueses, do rock&roll e mesmo do blues, todo amenizado de fermosas letras en galego e mesmo en francés.

    Elenco: Sabela King  á  voz e  ao ukelele e Carlos Gil Fandiño ao piano e voz. Espectáculo musical para toda a familia. Sala principal. Duración 55 m

    Entradas: anticipada: 3€ e na billeteira: 4€

    [18 Novembro 2018 12:30 ]

    “EU TEÑO DEREITO A XOGAR - CIRCUÍTO 2018” CANTAJUEGO EN CONCERTO

    Auditorio de Ourense

    É a nova proposta deste exitoso grupo, que leva máis de 10 anos virando ininterrompidamente por España, convocando a toda a familia, para cantar, bailar e participar ao ritmo das súas pegadizas cancións.

    Nesta oportunidade,os “CantaJuegos” despregan toda a súa enerxía a través das cancións máis populares do seu extenso repertorio,incluíndo os hits de Viva o meu Planeta, o seu último traballo nomeado aos Grammys latinos e CantajuegoInEnglish que foi número 1 en vendas. Ademais, contarán cos infaltables Coco, Pepe e Buby, aos que se suman moitos outros personaxes que lle dan cor e alegría a un espectáculo vibrante e cheo de ritmo e cor.

    Sala Principal

    Público familiar

    Dúas funcións: ás 12.30 e ás 17.00h

    Entradas: a partir de 15 € na www.ataquilla.com, Sala de Exposicións Afundación e na billeteira do Auditorio dúas horas antes da función.

    [21 Decembro 2018 20:30 ]

    “THE VERY BEST OF DIRE STRAITS” DE BROTHERS IN BAND

    Auditorio de Ourense

    “The Very Best of dIRE sTRAITS”,o mellor espectáculo de homenaxe a dIRE sTRAITS, chega a Ourense dentro da xira europea 2018 de bROTHERS iN bAND, que percorre España, Francia, Alemaña, Luxemburgo e Portugal.

    Un show que repasará o mellor da discografía de dIRE sTRAITS cunha posta en escena única.

    bROTHERS iN bAND está formado por 9 músicos que interpretan os grandes éxitos da banda inglesa entre os anos 1978 e 1991, alcanzando un nivel de recreación tan alto que o propio Guy Fletcher,teclista de dIRE sTRAITS e Mark Knopfler desde 1984,chegou a dicir: “Teño que recoñecer que pensei que era unha gravación nosa”

    Con "The Very Best of dIRE sTRAITS", bROTHERS iN bAND transportaranos na súa particular máquina do tempo, a través dun seleccionado e coidado repertorio que pertence xa á memoria colectiva de varias xeracións, cun amplo repertorio que revivirá o son limpo e cristalino de Down to the Waterline, o antolóxico riff de Money For Nothing, pasando por clásicos como Sultans of Swing, Telegraph Road, Romeo & Juliet, Tunnel of Love, So Far Away, Single Handed Sailor ou Lady Writer entre outros clásicos da banda, nun espectáculo de case 2 horas e media de duración.

    Sala Principal

    Entradas a partir de 25€

    [29 Outubro 2015 11:30 ] - [31 Decembro 2018]

    Claustro de San Francisco


    Claustro de San Francisco. Martes a sábado de 11.30 h a 13.30 h e de 17 h a 20 h (entre maio e setembro incluidos, ás tardes abrirá de as 18 h a 21 h) Domingos de 11.30 a 13.30. (luns o espazo estará pechado).



     

    [01 Marzo 2018 12:00 ] - [31 Marzo 2019]

    Centro Histórico


    O Belén de Ourense, máis coñecido popularmente polo nome do seu autor, componse dunhas 2.000 pezas feitas en barro cocido, ademais de curiosas representacións relixiosas, civís e militares que, mesturadas, conxuntamente coas construcións de carácter popular, crean ese ambiente singular.


    É do mesmo xeito destacáble a presenza daqueloutros elementos relacionados coa nosa etnografía: oleiros, adegas, fornos, cabaceiros, cruceiros, pontes, palleiros e pombais. Tamén resulta edificante a contemplación dos labores do campo, ademais de xogos populares como a chave; as antigas profesións ambulantes como a do retratista, o cego cantador de coplas; etcétera.


    O conxunto da obra enténdese como un camiño iniciático que percorre ao redor ate centrarse no pesebre coa representación do Nacemento do Fillo de Deus.


    Horario de luns a venres de 12h a 14h.

    Entrada libre e gratuíta.

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica