CONTACTO

  • banner feb1
  • bases belens
  • MMOu
  • EdC
  • Volver

    ActividadesExposicións e espazos expositivos

     

    [26 Xaneiro 2020 12:00 ]

    AZUL Y LA REVOLUCIÓN DE LOS COLORES. INFANTIL

    Auditorio de Ourense


    As formigas ven en branco e negro. Por iso, para as súas compañeiras, Azul é outra formiga negra. Para ela mesma tamén. Mais, Azul sente que hai algo máis aló, e un día motivada pola súa necesidade de saber, descobre que fóra do seu formigueiro existe un mundo cheo de cores. Azul tentará que o resto das formigas saiban do seu fantástico descubrimento, pero a Raíña non llo vai poñer nada sinxelo porque, que faría unha formiga se descubrise que hai algo máis que o traballo e as estritas normas do formigueiro?


    Infantil (+ 5 anos)

    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [02 Febreiro 2020 19:00 ]

    PLAY, ARACALADANZA. DANZA

    Auditorio de Ourense


    Non!  Non se abre o pano ao comezar!. Antes hai que construír o escenario. E enchelo de coxíns. E colocar ao bailarín. E iluminalo todo.


    Entón e só entón, o escenario cobra vida, suspendido.


    Para xogar á pita cega, ou para entrecruzar gomas e participar nun antigo videoxogo. Para saltar sobre o sofá, ou descubrir cisnes procurando o seu lago. Para seguir cans bailaríns que escoitan gatos ou encher a cabeza de aire. Para provocar fogos de artificio ou danzar todos xuntos. PLAY é unha festa sen respiro que contaxia ledicia, alenta o sorriso e comparte diversión. E o pano, está vez, tampouco se baixa. Porque a festa continúa despois....


    Familiar/ todos os públicos

    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [08 Febreiro 2020 20:00 ]

    SIN TÍTULO 97/17. DANZA

    Auditorio de Ourense


    SIN TÍTULO é un dúo creado en 1997 a partir da invitación do grupo Artistes Face au SIDA, para participar nunha gala na Sala Patiño en Xenebra, nun momento no que as asociacións de loita contra a enfermidade comezaban a facerse visibles na paisaxe europea. Para crear o dúo, Marcela e Mikel entraron con paixón e inocencia dentro dun territorio temático delicado: o corpo humano con toda a súa forza e fraxilidade, a súa beleza e os seus límites, o sentimento de inxustiza e de impotencia fronte á enfermidade, a necesidade de resistir, de manterse unidos, lúcidos, amables, solidarios, coa capacidade de amar intacta, capaces de continuar a marabillarnos coas cousas máis simples en cada momento. En 1997 cando creamos SIN TITULO, falar do tema da SIDA implicaba falar do tema da morte.


    Na actualidade, 20 anos máis tarde, SIN TITULO é un desafío que nos entusiasma.Por un lado, trátase de reencontrarse no traballo de busca e de creación de movementos, distintos, enriquecidos, e envellecidos.Os nosos corpos cambiaron a graos diferentes, de xeito máis ou menos visible, as nosa maneiras de pensar e de concibir a nosa actividade e a vida tamén se modificaron. Por outra banda a nosa relación coa enfermidade evolucionou; hoxe en día felizmente, falar de SIDA implica falar de vida, de como vivir con ou sen o virus. O horizonte abriuse.


    Público Adulto


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [09 Febreiro 2020 12:00 ]

    SEGUNDO CAVILOSO. INFANTIL

    Auditorio de Ourense


    Segundo caviloso - Lila teatro


    Segundo Caviloso é especialista en artes marcianas.


    Desde a súa máis tenra infancia sentiuse atraído polos números e non pode deixar de contalo todo. A  máxima na vida de Segundo é resolver grandes enigmas coma pode ser calcular as raíces cadradas das plantas que se atopan fóra de testos.


    Segundo pasan os minutos e as horas coma verdadeiramente lle gusta, cavilando. Iso significa que mentres reflexiona profunda e minuciosamente sobre os seus asuntos é capaz de voar entre ecuacións e fórmulas imaxinarias con solucións improbables.


    Segundo Caviloso atrévese con todo, mesmo cunha clase maxistral de física cuántica aplicada sobre superficies peludas.

    Infantil (7-14 anos)


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [15 Febreiro 2020 20:30 ]

    DAIMON Y LA JODIDA LÓGICA. MATARILE TEATRO

    Auditorio de Ourense


    Daimon y la jodida lógica - Matarile teatro


    Anxo ou demo, o murmurio da voz interior que detén ou empurra. Significado que podemos interpretar pero non comprender. Alma, animal interior: profundo, fatal, opaco. Presenza oculta, imprevisible, que determina actos e decisións que non podemos explicar racionalmente. Ás veces agochado e ás veces por diante dous pasos.


    Ocúpanos,acompáñanos,céganos,impúlsanos. Entra aínda que pechemos a porta.


    Público adulto


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función

    [16 Febreiro 2020 12:00 ]

    PROXECTO NOÉ. INFANTIL

    Auditorio de Ourense


    Proxecto Noé - Sarabela teatro


    Eu non quero ter uns amigos que me asusten. Eu non creo que o do diluvio sexa certo- dí o pingüín pequeno mentres pisa o chan con forza-.Inventástelo só para asustarme e non necesito ningunha arca e tampouco a  vós!


    Tres pingüíns, o diluvio universal e dous únicos boletos para a arca de Noé son os elementos desta historia narrada cunha linguaxe sinxela e contundente.


    Os pingüíns reflexionan sobre a natureza, sobre o valor da amizade: como facer para salvarse os tres cando só teñen dúas pasaxes? Cando está permitido e cando non romper as regras? Cales son os motivos que xustifican facelo?


    Infantil (5-12 anos)


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.


     

    [23 Febreiro 2020 12:00 ]

    O LIBRO DA SELVA. INFANTIL

    Auditorio de Ourense


    O libro da selva - Teatro Avento producións


    Mowgli é curioso, desobediente, bobo e atrevido. Así como calquera rapaz que coñezas. Esta nova adaptación da historia de Rudyard Kipling fala sobre a estraña historia dun neno perdido na selva india. Acabará sendo adoptado por Baloo o Oso, a pantera Bagheera e todos os demais animais que chaman a misteriosa xungla fogar. Esta adaptación de ritmo rápido manterate pegado ao borde do asento mentres o mozo Mowgli se atopa cara a cara con monos folgazáns, os voitres ruidosos e o seu inimigo mortal: o tigre, Shere Khan. O novo espectáculo de Teatro Avento ponlle cancións e coreografías a esta eterna historia, pola que non pasa o tempo, que fala de valores como a camaradería, o sentido de comunidade, e a tolerancia cos diferentes a nós.


    Infantil (+ 6 anos)

    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [27 Febreiro 2020 20:30 ]

    O MEL NON CADUCA. IBUPROFENO TEATRO

    Auditorio de Ourense


    O mel non caduca - Ibuprofeno Teatro


    Unha traxicomedia biodegradable e ecososostible arredor da obsolescencia programada, da relación do ser humano cos obxectos e a degradación ecolóxica do planeta por mor da perversa lóxica capitalista, do crecemento e do consumo masivo de produtos.


    Teatro para adultos


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [01 Marzo 2020 12:00 ]

    THE SOHOW MOSCÓN. INFANTIL

    Auditorio de Ourense


    The sohow moscón - Galitoon


    “The Show Moscón” é un circo ambulante de “ varietés”, presentado por un moscón gordo e repoludo. Un marabilloso circo, representado por un armario que abre as súas portas para mostrar os diferentes números que hai no se interior. Nace como unha homenaxe ás diferentes escolas e técnicas de manipulación, aprendidas ao longo destes anos e utilizadas nos seus distintos traballos de teatro e televisión, así como, a través da inspiración de traballo doutras compañías de teatro e circo como:  Hugo & Ines, GaiaTeatro, Cia  El retrete de Dorian Grey, Jordi Bertran Company ou Mago LiozShem.


    Dentro do noso armario, poderemos gozar de verdadeiras Divas da canción, absurdos números musicais, desesperantes Magos e Mentalistas, incribles bebés equilibristas, marabillosos números de Danza e un sen fin de humor....   

    Infantil (+4 anos)


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [12 Marzo 2020 20:30 ]

    SI ESTO ES UN HOMBRE. CÁMARA NEGRA TEATRO

    Auditorio de Ourense


    Si esto es un hombre - Cámara negra teatro


    En 1994, Primo Levi foi deportado a  Auschwitz. Tiña 24 anos. Durante a súa estancia no campo, comezou a escribir “ Si esto es un hombre”, o relato dos dez meses nos que estivo prisioneiro.


    En 2020 (76 anos despois), un actor entra nun escenario e enfróntase ao reto de revivir a experiencia de Levi, para tentar así comprender ( se é que é posible) que foi Auschwitz e que supón para nós, espectadores do século XXI, que existise ese lugar en plena Europa de mediados do século pasado.


    Unha viaxe cara ao lado máis escuro do ser humano do noso mundo contemporáneo.


    Teatro para adultos 


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.


     

    [14 Marzo 2020 20:30 ]

    CAFÉ QUIJANO, LA VIDA NO ES LA LA LA - TOUR 2020

    Auditorio de Ourense


    Os multi nomeados aos premios Latin Grammy, Café Quijano, preséntannos o seu novo traballo, un álbum de pop titulado ” La vida no es La La La“.


    No seu novo Tour recompilan dúas décadas de éxitos, presentando os seus novos hits e por suposto, intensos e sensitivos boleros que lles fixeron merecedores de cinco nomeamentos aos Latin Grammy Awards.


    Desde os hits ‘Nada de nada’, ‘A Taberna del Budha´, ‘La Lola’, ‘Tequila’ e ‘Desde Brasil’ ata os seus recentes éxitos ‘Perdoarme’ e `Mina´, pasando polos boleros ‘Me enamoras con todo’ e ‘Robarle tiempo al tiempo’…


    O novo Show de Café Quijano expón preto de dúas horas de historia viva do pop latino presentándonos o seu fresco novo son pop con éxitos do momento.


    Entradas en ataquilla.com, no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

    [03 Outubro 2019 11:30 ] - [16 Febreiro 2020]

    Museo municipal


    Inquietudes, exposición de Fernando Prieto

    Fernando Prieto é un artista hiperrealista dunha grande calidade pictórica. Desde moi cativo manifestou a súa inclinación cara ao debuxo e a pintura, participando á idade de 13 anos na súa primeira exposición, nunha sala do Concello de Ferrol. Realizou os estudos de perito mercantil, sen abandonar nunca a súa gran paixón, a pintura. 


    A súa obra forma parte de numerosas coleccións públicas e privadas, tanto en España como en Estados Unidos. 

    Horario: martes a sábados: 11 h a 13:30 h e de 18:30 h a 21:30 h. Domingos de 11 h a 13.30 h


    [04 Outubro 2019 11:30 ] - [16 Febreiro 2020]

    Museo municipal

    Fragmentos de existencia, exposición de Francisco Ramos

    Francisco Ramos, natural de Morgade (comarca da Limia) é un artista que sente a textura acuosa da acuarela a través das cores de diversa natureza, integrando de forma diferente e atrevida tons fríos e cálidos, facendo xurdir dunha captura previa do natural unha abstracción paisaxística. A mostra consta dun total de 20 acuarelas de formato medio-grande e un óleo sobre táboa. 

    Horario: martes a sábados: 11 h a 13:30 h e de 18:30 h a 21:30 h. Domingos de 11 h a 13.30 h

    [01 Xaneiro 2020 11:30 ] - [31 Decembro 2020]

    Centro Histórico

    O Belén de Ourense, máis coñecido popularmente polo nome do seu autor, componse dunha gran cantidade de pezas feitas en barro cocido, ademais de curiosas representacións relixiosas e civís que, mesturadas, conxuntamente coas construccións de carácter popular, crean ese ambiente singular.

    Horario

    De luns a venres, de 12h a 14h.

    Entrada: libre e gratuíta.

    Lugar: Praza de San Cosme e San Damián.

    [01 Xaneiro 2020 11:30 ] - [16 Febreiro 2020]

    Centro Cultural Ángel Valente


    Mostra medio cento de obras que percorren a súa obra e resumen a súa vida pictórica. Muller adicada á pintura dende nena, é un exemplo de contancia, traballo e implicación artística. A súa primeira exposición foi nos anos 50, e desde aquela realizou continuas mostras a nivel nacional e internacional


    Vázquez Prats procede a pinceladas curtas, case unánimes, que van compoñendo con pequeños fragmentos de cor a paisaxe estremecida da súa pintura. Son pinceladas sinxelas mais sinceras e  alleas ao efectivismo fácil, que se esparexen polo fondo do cadro coa mesma minuciosidade de procedemento que cando tocan a figura protagonista.

    Horario

    De martes a sábado de 11h a 13.30h e de 18.30h a 21.30h e os domingos de 11h a 13.30h. Os luns o espazo estará pechado. 

     

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica