CONTACTO

  • PdoP
  • Prem poesía
  • MMOu
  • Audittori
  • Entrudo
  • EdC
  • Concello de Ourense - Cultura - AUDITORIO MUNICIPAL

    Volver

    [23 Febreiro 2019 20:00 ]

    O EMPAPELADO AMARELO. A QUINTA DO CUADRANTE

    Auditorio de Ourense

    O empapelado amarelo é un espectáculo teatral unipersoal baseado no relato autobiográfico homónimo publicado no século XIX pola autora norteamericana Charlotte Perkins Gilman, un referente feminista de gran importancia na historia da literatura universal.A proposta escénica busca dialogar coas palabras da escritora desde a nosa contemporaneidade a través da palabra, o ritmo e as atmosferas visuais e sonoras nunha viaxe sensorial liberadora cara aos territorios da loucura e a lucidez.

    Dramaturxia de Tito Asorey e Melania Cruz

    Teatro en galego

    Sala Principal. Capacidade máxima 100 persoas

    Idade recomendada + 15 anos

    Entradas:5 €, anticipada aquí e na billeteira desde dúas horas antes da actuación.

    [24 Febreiro 2019 18:00 ]

    ROSALÍA PEQUENIÑA, CONCERTO

    Auditorio de Ourense

    O 24 de febreiro, data do aniversario de nacemento de Rosalía de Castro, festexamos o día de Rosalía e farémolo con música:Uxía Senlle, acompañada de Sergio Tannus e Héctor Lorenzo.

    A música é sempre un dos mellores vehículos para descubrir e gozar da poesía. Uxía déixanos un feixe de cancións para retratar esa muller que uns chamaron tola e outros santa: a verdadeira Rosalía.

    Rosalía pequeniña, pirata, poeta, aventureria ou fada. Rosalía pequeniña para cantar, para rir, para gozar ou bailar.

    Espectáculo familiar gratuíto.

    Sala principal

    [24 Febreiro 2019 12:00 ]

    GAIA DA COMPAÑÍA ENTREMANS

    Auditorio de Ourense

    Entremans presenta unha peza didáctica para público familiar "GAIA". Realiza, así, o seu segundo espectáculo infantil, logo da boa acollida que tivo a nivel nacional o seu anterior espectáculo XOGA.

    Gaia é un espectáculo onde a voz e a danza nos achegan coñecementos dende unha óptica visual e imaxinativa.

    É unha historia en movemento na que a pintura, a música e o audiovisual nos axudan a descubrir a intensidade, o poder e a beleza das características do noso planeta e dos seus tesouros naturais.É un encontro didáctico co que entender a importancia da interacción entre as persoas e o medio ambiente.

    Sala principal

    O espectáculo vai dirixido a un público infantil e familiar, a partir de 3 anos.

    Duración: 50 m

    Entradas: 3€, anticipada aquí

    [01 Marzo 2019 18:00 ]

    MÍNIA CONVÍDATE A XOGAR- BABALUVA

    Auditorio de Ourense

    Minia é unha rapariga que agarda que os seus pais rematen de traballar na oficina dun almacén. Minia decide aproveitar o tempo xogando coas caixas de cartón que se amorean no espazo e que vai transformando en distintos ambientes imaxinados , xogos, aventuras e personaxes. Especialmente recomendado para desenvolver a creatividade e a comunicación cos obxectos que nos rodean.

    Sala Apego

    Idade recomendada de 2 a 6 anos

    Dúas sesións: ás 18.00 e ás 19.15h

    Duración 60 m

    Entradas 3€, anticipada aquí e crianzas gratis.

    [03 Marzo 2019 12:00 ]

    A FAMILIA UNIDA. MICROMINA

    Auditorio de Ourense

    Unha oferta laboral, unha colocación de por vida para un emprendedor coas mellores condicións de traballo posibles. André, o presidente, propietario e presentador do espectáculo busca empregado. A quen non lle interesa? Cromina, despois de ser pai, enfronta a súa natureza casual e festeira á responsabilidade e seriedade das circunstancias. A través de clásicos como a autoridade, a paternidade, o dragón e ata a morte.

    Sala Azul

    Teatro de marionetas para público infantil a partir de 4 anos

    Entradas 3€ anticipada aquí

    [07 Marzo 2019 20:30 ]

    STRPTS // EPISODIO 1: MIRLO & RULA

    Auditorio de Ourense

    O colectivo Cinema Sticado nace en 2012 co obxectivo de explorar en escena as posibilidades expresivas que xorden nas fronteiras entre os campos escénico e audiovisual.

    Presentamos o noso primeiro traballo (STRPTS// episodio 1: Mirlo & Rula) despois de máis de dous anos de experimentación e desenvolvemento nun taller clandestino situado nun lugar indeterminado da paradisíaca península do Morrazo, en Galicia, España.

    Helena Varela e Xosel Díez

    Sala Principal

    Teatro para adultos

    Duración 60 m

    Entradas 3€ anticipada aquí

    [10 Marzo 2019 18:30 ]

    SHREK, O MUSICAL

    Auditorio de Ourense

    Érase unha vez...…un ogro chamado Shrek

    Shrek,  o ogro máis carismático e famoso do cine de animación enfróntase xunto ao seu amigo Burro, ao desafío de rescatar a bela princesa Fiona da torre na que está encerrada hai anos e vixiada por unha temible e romántica dragona.

    Lord Farquaad, rexedor de Duloc –aldea aburrida e perfecta onde ninguén é “distinto”- necesita casar cunha princesa para converterse en rei e encárgalle a Shrek a misión de rescatar e levarlle a princesa escollida a cambio de darlle para sempre a posesión da súa lameira para vivir en paz e só de por vida.

    Tanto Shrek como todos os entrañables personaxes de contos de fadas son perseguidos e desterrados polo exército de Farquaad, que os chama despectivamente “frikis”, e os desprecia por seren diferentes. Pinocho laméntase xunto cos seus amigos pola mala sorte, ata que ao final, todos descobren que a verdadeira fortaleza está na diferenza e na aceptación da propia identidade.

    Cando Shrek descobre esa fortaleza en sí mesmo, comeza a crer que a pesar de ser un ogro, pode lograr cumprir os seus soños, e tal vez –por que non- ser merecedor do amor de Fiona, unha princesa encantadora, soñadora e sorprendente. Un ogro e unha princesa? É tan disparatado pensar nunha historia de amor que rompa con todos os códigos de perfección dos clásicos contos de fadas?

    SHREK O MUSICAL é a primeira adaptación OFICIAL da produtora DreamWorks que fai ao galego

    Público familiar

    Entradas a partir de 15€

    [14 Marzo 2019 20:30 ]

    ENTRESOÑOS - FRAN SIEIRA COMPAÑÍA DE DANZA

    Auditorio de Ourense

    Ese Soño que me invade cada noite facéndome crer algo que non son, pero que podería chegar a ser… e á vez o medo e a incertidume que me dominan e fanme voltar a ese estado de consciencia que me dí que non é máis ca un Soño e que non deixará de ser nunca máis ca iso….

    Dentro do meu soño teño ledicia, total liberdade de expresión e movemento. Non importa con quen, para quen, de que xeito e donde. Só importa a música e o movemento que o meu corpo xenera ao sentila.

    EntreSoños é unha obra de baile e música tradicional galega de 70 min de duración, cun elenco artístico de 3 bailadores/cantadores: Fran Sieira, Aida Tarrío e Xisco Feijoó, ao son da música do compositor e músico multidisciplinar Anxo Pintos, todo isto dentro dun marco escénico deseñado por Vanesa Hernández (escenografía) e Luis Perdiguero ( iluminación), e vestiario deseñado por Alessio Meloni, e dende unha visión contemporánea a través dos ollos do director artístico David Vilariño (bailarín contemporáneo e coreógrafo). Público adulto

    Entradas 3€, anticipada aquí ou o propio día desde dúas horas antes da actuación

    [17 Marzo 2019 12:00 ]

    E-BOOK LAS EDADES DEL LIBRO SPASMO TEATRO

    Auditorio de Ourense

    Spasmo ofrece a máis fascinante e disparatada historia do libro e os seus protagonistas. Un espectáculo  con vocación didáctica, educativa e moi divertida.

    Un repaso inprescindible a través do tempo que se adentra no apaixonante universo do saber, dos grandes descubrimentos e da evolución da escritura e os distintos soportes ata o día de hoxe, culminando coa aparición do E-book, que dá nome ao espectáculo.

    Esta minucioso revisión das distintas etapas da evolución do libro, condensada en sesenta minutos, chea de retranca, os mellores efectos visuais e sonoros, e por suposto o mellor humor xestual de Spasmo.

    Vicente Martín, Álvaro Sánchez, Joseé Gabriel Sánchez e Isaac Tapia.                                                                                  Sala principal

    Moi recomendada para público xuvenil

    Entradas 3€

    [21 Marzo 2019 20:30 ]

    TANATORIUM - FÉLIX ALBO

    Auditorio de Ourense

    Un home entra no portal dun velorio xusto no momento no que marcha a luz. A escuridade, o forzado silencio  e a incómoda humidade que se respira na entrada evócalle un soliloquio co que percorre trazos de distintas vidas ata chegar á súa propia.

    Espectáculo cheo de risos, emoción e tamén preguntas ás que ninguén ten obriga de contestar. Sobre o escenario bailan a vida e a morte ao ritmo das gargalladas do público.

    Todas as vidas deberían acabar danzando así. Público adulto

    Entradas 5€, anticipada aquí e no propio día na billeteira, desde dúas horas antes da actuación.

    [23 Marzo 2019 20:30 ]

    STEPS. SILVIA ALONSO

    Auditorio de Ourense

    “Steps” é o terceiro espectáculo da artista ourensá e  representa o resultado dunha evolución , e o seu propio nome responde ao dobre significado de “ pasos” ou “escaleira”, como reflexo dun labor de procura de novos campos vocais. Revisión de temas dos anos 70 e 80, que coinciden coa etapa final  brillo do funk, o nacemento da música disco, e o rock sinfónico .   

    Exitos de autores e intérpretes como Steve Wonder, Police, Queen ou Michael Jackson, serán revisados cunha óptica nova e matices propios, fuxindo da réplica dos orixinais, arranxos musicais, orixinais e exclusivos.

    Presentación do videoclip autobiográfico que presenta a transformación vital de Silvia Alonso, a partir do seu encontro coa música.

    Estará acompañada de oito músicos no escenario.

    Sala principal

    Todos os públicos

    Entradas 8 € anticipada aquí e no mesmo día do espectáculo na billeteira desde dúas horas antes.

    [24 Marzo 2019 20:00 ]

    CYRANO DE BERGERAC

    Auditorio de Ourense

    Cyrano de Bergerac teno todo: aventura, paixón, tensión, humor, beleza, amor e desamor. É un clásico entre os clásicos e un moderno entre os modernos. Cyrano é moito máis que unha obra ou unha personaxe, É o emblema nacional galo. O home valente ata o infinito pero acovardado ante a muller que ama, o "negro" do guapo da historia, Christian, ao que escribe versos en segredo para a súa amada Roxanne. É unha oda ao enxeño e ao amor, é a forza do seu verso, o seu descaro e sutileza, un verso bisbeado ou lanzado como un dardo, un verso áxil e profundo, popular e erudito, descarado e vital, teno todo.

    Esta obra converterase nun símbolo do teatro francés e universal, nun novo Quíxote dramatúrxico representado polo mundo enteiro, unha mostra do poder da palabra tanto na vida como na escena. A obra, escrita polo novo e ousado poeta Edmond Rostand coñeceu un éxito sen precedentes que se estende ata os nosos días.

    Nesta ocasión o actor Jose Luis Gil, ponse na pel de Cyrano  na dirección de Alberto Castrillo-Ferrer, acompañado de Ana Ruiz, Álex Gadea, Nacho Rubio, Ricardo Joven, Rocío Calvo e Joaquín Murillo.

    Sala principal

    Entradas 16 € anticipada aquí e no mesmo día do espectáculo na billeteira desde dúas horas antes.

    [24 Marzo 2019 12:00 ]

    COUSAS DE NENOS. IAN & ELISA

    Auditorio de Ourense

    Espectáculo indicado para toda a familia. Tanto nenos como non tan nenos desfrutarán deste espectáculo cheo de colorido e ilusión. Cunha mestura de maxia e sombras chinesas Ian e Elisa farán que o público se somerxa nun mundo imaxinario onde nada é imposible.

    Sala Azul

    Público familiar

    Duración: 45min

    Entradas 3€, anticipada aquí e na billeteira desde dúas horas antes do espectáculo

    [30 Marzo 2019 20:00 ]

    COTI. CERCANÍAS E CONFIDENCIAS. CAPÍTULO II

    Auditorio de Ourense

    COTI, CERCANIAS E CONFIDENCIAS.CAPITULO II

    Cercanías y confidencias é o proxecto máis íntimo do cantante e compositor Coti.

    Un concerto no que Coti debulla a súa esencia de autor, compositor e cantante creando unha atmosfera íntima na que público e artista establecen unha conversa musical única. O saber por que e onde naceu unha canción é a esencia deste espectáculo.

    No Capítulo I desta xira que empezou no ano 2016, Coti enfrontábase só a todos os temas que nos regalou ao longo da súa carreira co seu piano, o seu bandoneón e as súas guitarras. Neste Capítulo II de proximidade e Confidencias acompáñanlle tres músicos de corda que fan homenaxe ao seu último disco gravado en directo no Teatro Colón de Bos Aires onde xuntou a súa banda de rock cunha orquestra de cordas.Neste concerto podemos gozar das súas cancións máis coñecidas e as máis queridas por el. Tamén as cancións que compuxo para outros artistas, ademais dalgunha canción que marcou a súa vida como compositor e músico.

    Sala principal

    Entradas a partir de 15 € anticipada aquí e no mesmo día do espectáculo na billeteira desde dúas horas antes.

    [04 Abril 2019 20:30 ]

    INVISIBLES DE REDRUM PRODUCCIONES

    Auditorio de Ourense

    Un lugar indeterminado.Tres mulleres.Sete testemuños reais. Setenta minutos.Un millón de razóns para falar do maltrato.Non máis invisibles.

    Invisibles é un espectáculo de creación colectiva a partir da novela homónima de Monste Fajardo, que presenta ante o público diversas historias cun fío común entre elas: a violencia de xénero. O seu interese reside na exposición de historias reais protagonizadas por mulleres galegas, historias sobre malos tratos, algunhas delas xa coñecidas polo público pola súa repercusión mediática. A pretensión fundamental deste espectáculo é concienciar e sensibilizar ás espectadoras e aos espectadores con esta lacra que invade a nosa sociedade.

    Público +12 anos

    Entradas 5€ anticipada aquí e na billeteira o mesmo día do espectáculo desde dúas horas antes.

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica