CONTACTO

  • Natal
  • Ndal
  • Ciclo Lírico
  • EdC
  • Auditorio
  • Concello de Ourense - Cultura - AUDITORIO MUNICIPAL

    Volver

    [20 Decembro 2018 20:30 ]

    MUJERES DE PACIENCIA SALVAJE DE UP-A-TREE

    Auditorio de Ourense


    Mujeres de paciencia salvaje transita por catro contos populares (As zapatillas vermellas, A vendedora de mistos, Barba azul e A muller esqueleto) que se entretecen con testemuños de mulleres entrevistadas ao redor dos conflitos das fábulas e música orixinal interpretada en directo polas catro actrices en escena (violonchelo, acordeón, ukelele e voces). Os testemuños no complexo e fascinante percorrido das mulleres para recuperar a súa natureza salvaxe, nunha homenaxe inclusiva e interxeracional aos nosos retos, fortalezas e soños..


    Dirección:Ximena Vera

    Intérpretes: Raquel Pardos Ximena Vera Marta Cuenca Andrea Nespereira

    TEATRO PARA ADULTOS EN CASTELÁN

    Entradas: anticipada 5€ e na billeteira 6€

    [21 Decembro 2018 20:30 ]

    “THE VERY BEST OF DIRE STRAITS” DE BROTHERS IN BAND

    Auditorio de Ourense

    “The Very Best of dIRE sTRAITS”,o mellor espectáculo de homenaxe a dIRE sTRAITS, chega a Ourense dentro da xira europea 2018 de bROTHERS iN bAND, que percorre España, Francia, Alemaña, Luxemburgo e Portugal.

    Un show que repasará o mellor da discografía de dIRE sTRAITS cunha posta en escena única.

    bROTHERS iN bAND está formado por 9 músicos que interpretan os grandes éxitos da banda inglesa entre os anos 1978 e 1991, alcanzando un nivel de recreación tan alto que o propio Guy Fletcher,teclista de dIRE sTRAITS e Mark Knopfler desde 1984,chegou a dicir: “Teño que recoñecer que pensei que era unha gravación nosa”

    Con "The Very Best of dIRE sTRAITS", bROTHERS iN bAND transportaranos na súa particular máquina do tempo, a través dun seleccionado e coidado repertorio que pertence xa á memoria colectiva de varias xeracións, cun amplo repertorio que revivirá o son limpo e cristalino de Down to the Waterline, o antolóxico riff de Money For Nothing, pasando por clásicos como Sultans of Swing, Telegraph Road, Romeo & Juliet, Tunnel of Love, So Far Away, Single Handed Sailor ou Lady Writer entre outros clásicos da banda, nun espectáculo de case 2 horas e media de duración.

    Sala Principal

    Entradas a partir de 25€

    [23 Decembro 2018 18:00 ]

    VAIA SANTA CLAUS, O MUSICAL DE ANIMAGIC

    Auditorio de Ourense

    Por fin é 24 de Decembro! Todo preparado no Polo norte para o día máis importante do ano. Os Elfos están repletos de enerxía, a fábrica de xoguetes está preparada, os renos en posición e a estrela brilla no alto da árbore, .... pero... Onde está Santa Claus? Que pasará co nadal? Estarán os xoguetes listos a tempo?, e o máis importante, onde imos atopar un Santa substituto?.

    Esperamos que os nosos Elfos sexan capaces de resolver este contratempo coa axuda do marabilloso público, sexa como sexa deberán facelo ao Ritmo do Musical.

    Nesta cita do Nadal tan particular, pequenos e maiores poderán gozar en Familia dunha Obra Musical inesquecible, na que vivirán momentos cheos do espírito do Nadal e todos os seus valores, e na que ao finalizar descubrirán cal é o mellor agasallo.

    Esperámosvos a todos para pasar un gran momento no teatro, onde vos obsequiaremos con moitas emocións e o mellor dos nosos sorrisos. Bo nadal !

    MUSICAL PARA TODA A FAMILIA

    Entradas a partir de 14€

    [26 Decembro 2018 18:15 ]

    APRENDIZ DE BRUXA - GEPETTO.AULA UNIVERSITARIA DE TEATRO INFANTIL

    Auditorio de Ourense

    15 MOTI-Mostra ourensá de teatro infantil

    As bruxas sabias están chegando ao final do seu mandato. Os seus poderes desaparecerán de aquí a pouco e por iso teñen que atopar unha boa e digna sucesora. Para iso mandarán o seu sobriño, o trasno Damián, co libro dos feitizos a buscala. Pero na súa misión aparecerán dificultades porque a meiga malvada está de volta na terra e tamén quererá facerse co libro para ser a dona do mundo.

    ELENCO: Montse Pascual, Cristina Míguez, Elva Vega, Isabel Romero, Óscar Castromán, Candela López, Amada Saa, Carmen Aranda

    Dúas funcións: ás 18.15h e ás 19.30h

    Duración 50'

    Entradas 3€

    Anticipada aquí ou na Sala de Afundación na Praza Maior ou no propio día do espectáculo desde dúas horas antes da función.

    [27 Decembro 2018 18:15 ]

    SCREEN MAN (O HOME PANTALLA), MOSTRA DE TEATRO INFANTIL

    Auditorio de Ourense


    15 MOTI (Mostra de teatro infantil de Ourense)                                                          Camiñamos pola vida co desexo de facermos realidade os nosos soños. Non sempre resulta doado pero a ilusión nos empurra a tentalo unha e outra vez. Ás veces, o destino pon no noso camiño unha persoa que nos axuda a perder os medos, é a persoa que aparece polo camiño do noso protagonista. SCREEM MAN é o soño teatral da nosa compañía. Temos o pracer de compartilo convosco.


    Teatro de obxectos, marionetas e proxeccións audiovisuais.


    Público infantil a partir de 3 anos (120 por pase)


    Dous pases: ás 18.15 e ás 19.30h


    Entradas: 4€. Anticipada aquí e o mesmo día na billeteira do auditorio, desde dúas horas antes.

    [28 Decembro 2018 19:30 ]

    EL PEQUEÑO CONEJO BLANCO (O COELLIÑO BRANCO)-LA ESPIRAL MÁGICA. COMUNIDADE DE MADRID

    Auditorio de Ourense

    15 MOTI-Mostra ourensá de teatro infantil                                                                                                 O pequeno coello branco cóntanos as aventuras dun coelliño que quere recuperar a súa casa. Xunto con el aparecen máis personaxes: unha cabra, un boi, un can, un galo e unha pequena formiga. Todos eles demostrarannos a través dunha linguaxe chea de sonoridade e de rima, que un minúsculo animal pode gañar a partida mesmo ao máis mangallón. Na historia trátanse temas tan importantes para os nenos como a amizade, as aparencias, a perseverancia, o egoísmo e a valentía. Valentía non só para enfrentarse a calquera situación, senón tamén valentía necesaria para pedir axuda.

    Musical infantil a partir de 2 anos (600 por pase)

    Entrada 4 €

    Anticipada aqui ou na Sala de exposicións de Afundación na Praza Maior.No mesmo día na billeteira do Auditorio,desde dúas horas antes da función

    [29 Decembro 2018 19:30 ]

    EURIA (CHOIVA)-MARKELIÑE. EUSKADI

    Auditorio de Ourense

    15 MOTI-Mostra ourensá de teatro infantil                                                                                          Euria (Chuvia) fala do que nos pasa cando algo ou alguén a quen queremos xa non está. E de todo ese tempo que precisamos para entender e aceptar que algo mudou.

    Está feito con pingas de chuvia, un paraugas encarnado,unha caixa de ferramentas, bágoas gardadas nas gavetas, 4 acrobacias, outro paraugas abandonado e roto, xestos fermosos nunha cantiga triste, un ferro de pasar tolo, un despertador de moitas lembranzas, unha xanela ao exterior e un sol debuxado. E mesturándoo todo dun xeito máxico, semella que falamos, finalmente, da nosa capacidade de superación.

    Premio FETEN 2017 ao Mellor Espectáculo

    Premio "Cornel Todea" FITC 2018. Bucarest, Romanía

    Público infantil a partir de 6 anos

    Duración: 60 min.

    Entrada 4 €

    Anticipada aqui ou na Sala de exposicións de Afundación na Praza Maior.No mesmo día na billeteira do Auditorio,desde dúas horas antes da función

    [30 Decembro 2018 17:00 ]

    CRASSH BABIES-WE TUM TUM (PORTUGAL)

    Auditorio de Ourense

    MOTI (Mostra de teatro infantil de Ourense)                                                                                        CRASSH BABIES é un espectáculo cunha estética moi propia que pretende estimular os sentidos dos máis pequenos e proporcionar momentos únicos entre pais e fillos. Propomos unha viaxe polo mundo CRASSH coa súa linguaxe vocal moi propia, o Crasshonés, entendida por todos até polos bebés. Dúas personaxes de carácter forte e musicalidade extrema, son capaces de sorprender na súa interacción e pola forma como comunican a través do son. Con esta relación entre sons, crianzas e pais, a diversión está garantida.

    Sala Apego

    Dous pases: ás 17.00 e ás 18.15h

    Público infantil de 1 a 4 anos

    Duración: 30 min.

    Entrada 3 €

    Anticipada aqui ou na Sala de exposicións de Afundación na Praza Maior.No mesmo día na billeteira do Auditorio,desde dúas horas antes da función

    [30 Decembro 2018 19:30 ]

    DANZA DA CHOIVA- ELEFANTE ELEGANTE

    Auditorio de Ourense

    MOTI (MOstra de teatro infantil de Ourense)                                                                                                                           Que acontecería se de súpeto deixase de chover? Non durante un mes, un verán ou un ano, senón para sempre? Esta é a pregunta que coloca a DANZA DA CHOIVA, un espectáculo sen palabras onde conviven o teatro xestual, a danza, a manipulación de obxectos e os monicreques.

    Chove. A auga da choiva é recollida en recipientes de metal esparexidos polo espazo. Escóitase un galo cantar. Chegan dúas personaxes. Recollen verduras da horta e sementan cereais.

    Espantan un bando de paxaros que tentan comer as sementes que acaban de botar na terra e chantan un espantallo na horta para protexer o cultivo. Ao regar, decátanse de que non lles queda auga. Agardan que chova, pero non chove...O tempo pasa e segue sen chover. O lugar está agora seco e deserto.Bailan unha “Danza da choiva” coa esperanza de facer chover.

    Choverá?

    Público infantil a partir de 3 anos

    Duración: 50 min.

    Entrada 4 €

    Anticipada aqui ou na Sala de exposicións de Afundación na Praza Maior.No mesmo día na billeteira do Auditorio,desde dúas horas antes da función

    [02 Xaneiro 2019 17:30 ]

    RAPUNZEL, O MUSICAL DE ACTIVIDADES CULTURAIS LA BICICLETA

    Auditorio de Ourense

    A bonita historia dos Irmáns Grimm levada á escena pola Compañía La Bicicleta convertido nun divertido espectáculo musical para os máis pequenos. Unha banda sonora orixinal acompañada de cancións e bailes encadran a coñecida historia da fermosa nena de cabelos dourados, pechada nunha torre que non ten escadas.

    Durante quince anos a única conexión da moza co mundo é a visita da meiga que a secuestrou. Todos os días ao escoitar a frase: “Rapunzel, Rapunzel, deixa o teu pelo caer” a longa e dourada cabeleira cae desde o alto. A meiga sobe e asegura que Rapunzel continúe a ser a súa cativa. Ata que un día... un príncipe encantador aparece.

    Versión: Ana María Boudeguer

    Música: Manuel Bartoll

    Dirección: Quim Capdevila

    Entradas: a partir de 10€

    [03 Xaneiro 2019 19:00 ]

    OS BOLECHAS VAN AO POLO NORTE

    Auditorio de Ourense

    Os Bolechas pasarán unha xélida aventura no Polo Norte.

    Espectáculo familiar de entrada gratuíta.

    Retirada de convites o mércores día 2 de 17.00h a 20.00h e no propio día desde dúas horas antes da función (un máximo de catro entradas por persoa)

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica