CONTACTO

  • Ndal
  • Ciclo Lírico
  • Expo La Caixa
  • EdC
  • Auditorio
  • Volver

    XXIII Concurso de Beléns Públicos

    Aberto o prazo para o Concurso de Beléns Públicos do Concello de Ourense, que premiará as mellores propostas de entidades, familias e escolares
     
     
     
    Ourense, 7 de decembro de 2018
     
    O Concello de Ourense convoca a edición número 23 do Concurso de Beléns Públicos de Ourense. O certame premiará os mellores nacementos que se expoñan ao público na cidade durante as datas de Nadal, en tres modalidades: entidades, familiares e escolares. As persoas interesadas en participar poden formalizar a inscrición ate o día 14 de decembro, a través do Rexistro Xeral na Casa do Concello. As bases completas pódense consultar na páxina web da Concellería de Cultura, ourensecultua.com.
     
    Na categoría de Entidades poderán participar todas as asociacións sen ánimo de lucro e establecementos comerciais debidamente acreditados; e optarán a un primeiro premio de 400 euros e un segundo de 300. Na categoría Familiares premiaranse con 300 e 200 euros os dous mellores beléns instalados en domicilios particulares, mentres que na categoría escolar daranse premios pola mesma contía a aqueles realizados por alumnos e alumnas de ensino non universitario. Así mesmo, establécese un premio especial de 300 € á creatividade e singularidade nos materiais e no deseño xeral da montaxe do Belén, de entre todos os presentados a concurso en todas as categorías, podendo acumularse a calquera outro premio.
     
    Os beléns estarán á vista e/ou abertos ao público en escaparates, vitrinas, mostradores, recunchos, etc. En lugares de máis difícil acceso como en centros de ensino, residencias ou casas particulares, a apertura ao público será como mínimo de dúas horas ao día, dentro do horario comercial, e terán que estar ben sinalizados cun cartel no exterior do edificio.
     
    De acordo coas bases do certame, valoraranse os materiais empregados e os efectos de luz, auga e outras creacións, tendo en conta o seu valor artístico, histórico e relixioso. Primaranse os beléns que sexan de nova elaboración sobre os fixos nun espazo, ou aos que simplemente se lle engadan escenas, elementos decorativos ou elementos utilizados en anos anteriores. 
     
    O xurado visitará os beléns os días 20 e 21 de decembro para a súa cualificación e facendo pública a decisión o 22 de decembro nos medios de comunicación locais e no espazo web da Concellería de Cultura.

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica