- AUDITORIO MUNICIPAL
-
MUSEO MUNICIPAL E OUTROS ESPAZOS EXPOSITIVOS
-
CICLO FESTIVO E FESTIVAIS
-
OUTRAS FESTAS E AUTORIZACIÓNS
-
PREMIOS E SUBVENCIÓNS
Ourense, agosto de 2018
O vindeiro día 15 de setembro terá lugar a celebración do Entroido de Verán na cidade de Ourense. Coa finalidade de animar a persoas e grupos a participar nesta actividade, a Concellaría de Cultura, convoca un concurso de disfraces dotado con máis de 1.500 euros en premios. As persoas interesadas poden inscribirse ata o día 11 de setembro, presencialmente ou a través de correo electrónico.
Poderán participar grupos, parellas, e tamén persoas a título individual, que desexen acudir ao desfile, que sairá ás 21;30 horas da Praza Maior, e percorrerá a rúa Lamas Carvajal, Praza de Santa Eufemia, rúa da Paz, praza do Ferro, rúa dos Fornos, para rematar na praza do Correxidor. A entrega de premios será nesta última praza.
Haberá premios nas categorías:
- Individual: Primeiro 250€, Segundo 150€, Terceiro 100€ e 5 accesits de 50€
- Parellas: Primeiro 200€, Segundo 150€ e Terceiro 100€
- Grupos (máis de 4 persoas): Primeiro 350€, Segundo 250€ e Terceiro 150€
- Especial á mellor foto colgada no Facebook “Entroido de verán en Ourense”: 75€
A inscrición realizarase na Concellaría de Cultura, sita na rúa da Canle 2 (Auditorio Municipal) en horario de atención ao público (09:00 a 14:30 horas), ou a través do correo electrónico cultura@ourense.es, ata o día 11 de setembro ás 13,00h.
Acceso ás bases completas.
Ficha de inscrición.