CONTACTO

  • Letras Galegas 2018
  • Auditorio
  • EdC
  • Volver

    Semana de ampla oferta cultural no Auditorio Municipal
    Un día antes da Festa do Samaín, o mércores 30, o Auditorio acollerá a partir das 20.30 h un espectáculo de danza. ARA, de Otradanza, proponnos unha nova viaxe que traspasa o corpo, o espazo e os xogos coreográficos para conectar cos sentidos do espectador, coa carne, a emoción, a sorpresa e o sentimento máis alá dos límites da pel. Arrástranos a un delicado e cautivador mundo de circunstancia irrepetibles, dando sentido ao instante e ao efémero do paso do tempo, faino a través dos sentidos, das emocións, e do pracer, e goce que abarca desde o escenario ata a butaca.
    O propio día 31, temos teatro co grupo Matrioshka que trae a obra C´EST LA VIE. Unha reflexión intensa sobre o tempo e os seus rastros, tendendo os fíos entre a sorpresa de recoñecerse nese segundo que nos cambia a vida e a excitación de comprender que as horas se aceleran proporcionalmente á velocidade do corazón. Será ás 20.30 h.
    O día 2 de novembro, o espectáculo Acuario, destinado ao público infantil, ofrecerá unha divertida dramatización do poemario Acuario da coñecida escritora e presentadora de televisión María Canosa, coa que os nenos de 5 a 8 anos coñecerán os peixes das nosas rías e peixarías e máis os seus nomes. Será ás 19 h, na Sala Azul, e a entrada é de balde. Esa mesma tarde, a partir das 20.30 h, unha nova proposta teatral visita o Auditorio. Siglo de Oro, Siglo de Ahora, lévanos a unha viaxe de ida e volta desde o Século de Ouro, ata a actualidade. Un diálogo entre o clásico e o contemporáneo con toda a liberdade dos fumes, a emoción da música en directo e a beleza do verso.
    E para rematar a semana, un novo domingo de programación infantil, esta vez coas aventuras do Soldadiño de Chumbo. Este encontro relata a verdadeira historia do mal e un amor verdadeiro, firme e non exento de humor que sae vencedor cun fermoso e explosivo final. Terá lugar a hora habitual – ás 12 h da mañá -, e o prezo da entrada é de 3 €.
    Todas as entradas pódense conseguir en www.servinova.com ou dúas horas antes de cada función na billeteira do Auditorio. Toda a información está na web www.culturaourense.com.   
     Ourense, 24 de outubro de 2012.-Tras un exitoso primeiro concerto o pasado 3 de outubro, Ourense dalle a benvida a un nova tempada de Música de Cámara. Esta mañá presentouse Enclave de Cámara, un ciclo que procura manter a calidade, e mellorar algún aspecto a tenor da gran acollida que ten este estilo musical nos últimos anos.
     
    Como viña sendo habitual, os primeiro xoves de cada mes mantéñense como data de referencia para a celebración das actuacións, que comezarán a partir das 20.30 h. Nesta nova etapa, o Teatro Principal será o espazo que acolla os concertos. Un espazo ao que poden achegarse máis persoas pola súa capacidade e a súa centralidade. Outras das novidades serán as colaboracións co Conservatorio de Música, onde se levarán aos artistas a que ofrezan concertos didácticos para o alumnado.
    Enclave de Cámaraterá concertos ata o mes de xuño, coa salvedade do primeiro xoves de marzo, xa que nesas datas celebrarase o Festival Pórtico do Paraíso. Polo tanto son sete actuacións de artistas do noso país – Dúo Sanabria Dapena -, e outros como Italia, Francia, Austria e Portugal, de onde son tres agrupacións. 

    Podes consultar o folleto informativo no seguinte enlace. 
    Ourense, 18 de outubro de 2012.-Esta mañá presentouse no Salón de Plenos a actuación que terá lugar o vindeiro domingo no Auditorio Municipal a partir das 20.30 h. Trátase de Miniaturas Musicais de Granell, un traballo musical elaborado polo grupo A Central Folque, que recopila a creación musical do polifacético artista Eugenio Granell.
     
    Aproveitando a efeméride do centenario do nacemento de Eugenio Granell, a Central Folque, en parcería coa Fundación Granell lanza, nacional e internacionalmente, unha dimensión inédita deste artista galego mestre do surrealismo: a súa dimensión musical. Un proxecto que consta dun libro – disco e dunha serie de concertos cunha banda de jazz creada para darlle vida a este legado musical. Precisamente, este traballo foi grabado fai un ano no Auditorio de Ourense.
    Xunto á concelleira de Educación e Cultura, Ana Garrido, estiveron na presentación o director artístico, Ramón Pinheiro e o director musical, Alejandro Vargas.
     
    As entradas para a actuación teñen un prezo de 5 €, e as entradas pódense conseguir en www.servinova.com ou desde dúas horas antes do comezo da actuación.
     
    Programación Infantil
     
    A maiores desto, o domingo a partir das 12 h o Auditorio acolle unha nova actuación dirixida aos máis pequenos. Neste caso, será da man de Son+D2 que fusionará música e tamén novas tecnoloxías. Trátase dunha viaxe desde o inicio dos primeiros ritmos nos tempos ancestrais, ata a actualidade, onde Internet e as novas tecnologías, continúan a ser canle para unha das expresións culturais de comunicación máis universais: a música. 
    A última produción do director Pedro Olea, Premio Cidade de Ourense 2013, será a encargada de abrir a programación do 18OUFF. La conspiración, un telefilme que repasa os días previos ao alzamento golpista do 36 aos ollos do xeneral Mola, conta con guión de Elías Querejeta e ten un reparto encabezado por Antonio Morón e no que tamén poderemos ver a Jorge Sanz, Álex Angulo, Iñaki Miramón ou Alicia Borrachero, entre outros.
    Para o peche, unha produción ourensá. A honra de pechar o festival, unha semana despois, será da produción ourensana MIR. Unha historia concibida polo realizador Gonzalo G. Palmeiro (autor de Ventanas en el Cuerpo) e rodada integramente an cidade de Ourense. No reparto aparecen Alba Gallego, Baroc Solla, Marta Casielles, Xián Bobillo e Mighuele Martínez.

    Máis información en www.ouff.org 

    Ourense, 2 de outubro de 2013.- O Teatro Principal será testemuña mañá dun concerto de música de cámara organizado pola Concellería de Cultura do Concello de Ourense. Será a partir das 20.30 h e actuarán o pianista Iván Martín xunto ao violonchelista Iagoba Fanlo. As entradas teñen un prezo de entre 5 e 8 €.

    A Concellería de Cultura trae a Ourense a Iván Martín, un dos pianistas que máis está dando que falar polo seu estilo a un tempo elegante e apaixonado, xunto ao violonchelista Iagoba Fanlo, que nos ofrecerán unha viaxe musical polo barroco e o romanticismo.

    O concerto ten unha duración de 1 h e 30 minutos, e consta de dúas partes. Unha primeira na que interpretarán pezas de Pau Casals, Agustín Rubio, Isaac Albéniz e Gaspar Cassadó, e unha segunda parte con pezas de Ludwing van Beethoven e Claude Debussy. As entradas pódense adquirir desde hoxe no Teatro Principal.

    Adxuntamos díptico informativo.

     

    Ourense, 30 de setembro de 2013.- A programación cultural do último trimestre deste 2013 para o Auditorio Municipal comeza coa ópera L´elisir d´amore, que terá lugar o próximo mércores día 2 a partir das 20.30 h.

    L´elisir d´amore, é de Gaetano Donizetti, e estreouse por primeira vez en Milán en 1832. A soprano galega Laura Alonso, encabeza o elenco desta obra operísima de corte cómico. A propia soprano, estivo esta mañá na presentación, acompañada da concelleira de Educación e Cultura, Ana Garrido. A dirección musical corre a cargo de Diego Martín, e a representación contará coa orquestra e o coro Gregorio Baudot; co tenor Juan Antonio Sanabria no papel de Nemorino, o barítono Enrique Sánchez como Belcore, Eric Mauricio Torres representando ao Doctor Dulcamara, e a soprano Ana Ochoa como Gianetta.

    A organización do espectáculo corre a cargo da compañía galega Galiópera, e conta coa colaboración do Concello de Ourense. As entradas están á venda en www.servinova.com a partir de 10 €, ou tamén o propio día, desde dúas horas antes na billeteria do Auditorio.

     
    Ourense, 30 de setembro de 2013
    O 18 Festival de Cine Internacional de Ourense (18OUFF) presentouse esta mañá dando unha mostra máis da “enorme vitalidade da actividade cultural da cidade”, en palabras do seu alcalde, Agustín Fernández. Xunto a el, a responsable da sección de Cultura, Ana Garrido, destacaba a importancia de recibir “215 filmes procedentes de 44 países diferentes, algún deles comparecendo por vez primeira no Festival, caso de Kosovo ou Guiné Bissau, e nun tempo récord”. Porén, os datos máis significativos da recepción son os referidos ao cinema español: do total dos traballos, “77 son de procedencia nacional, aos que habería que engadir outros 22 procedentes de Galicia”, segundo os datos que achegou César Silva, coordinador da Programación do 18OUFF.

    No referente aos números da recepción, recibíronse un total de 136 longametraxes (8 máis que en 2012). Por países destacan España (48), Alemaña (14) e Estados Unidos (8). Tamén se recibiu un número considerable de curtametraxes (47) e documentais (36 en total, 17 españois).
     
    No tocante á temática, hai que destacar os conflictos de todos os tipos de parellas (heterosexual, gai, lésbica...), os problemas de xuventude e o drama da descomposición familiar.


    Evolución de número de longametraxes recibidas no OUFF
    2005 2006 2007 2008 2009 2010 2011 2012 2013
    62 41 79 132 125 197 197 128 136

    Deste total extraeranse os 10 filmes que participarán na selección oficial competitiva, así como os filmes que integrarán os diferentes ciclos fóra de competición. E é que o 18OUFF aínda está en fase de selección, pero hoxe sóubose xa un dos primeiros títulos que se poderán ver durante o festival.

     

    Pedro Olea, premio Cidade de Ourense 2013, estrea 'La Conspiración'

    O director vasco (Bilbao, 1938) é un dos directores españois máis importantes e respectados da historia do cine español, premiado en festivais coma o de San Sebastián, a Seminci de Valladolid ou Málaga, entre outros.
     
    A súa relación con Galicia vén de lonxe, coa rodaxe do documental sobre a gastronomía galega Xantares, basado nun texto de Alvaro Cunqueiro. Pero non é até 1971 cando se achega a Ourense para gravar El bosque del lobo, Premio Especial do Xurado na Seminci de Valladolid.
     
    Inspirado na vida de Manuel Blanco Romasanta, o filme rodouse en varias vilas da provincia, de forma especial no concello de A Bola.
     
    O 18OUFF acollerá o que polo de agora é o seu último traballo: La conspiración (España, 2012). Con guión de Elías Querejeta e reparto encabezado por Manuel Morón, Silvia Marsó, Jorge Sanz, Álex Angulo ou Alicia Borrachero, trátase dun filme sobre a Guerra Civil e o general Mola.

    Un cartel inspirado en El Verdugo

    Un dos puntos fortes da presentación desta mañá era a presentación do cartel. “Para referirnos a el debemos botar a vista atrás”, dixo a concelleira Ana Garrido. “Primeiro, para lembrar a figura de Luis García Berlanga, que na décima edición do Festival pasaba pola cidade para recoller este mesmo galardón. E é que en 2013 cúmprense 50 anos da estrea de El Verdugo (España-Italia, 2013), premio Fipresci da crítica no Festival de Venecia e unha obra mestra do humor negro en España”.

    Nesta película e no cartel da mesma está inspirado o cartel deste 18OUFF. Remontámonos ao 1963, cunha España en crise, gobernada baixo unha férrea ditadura militar, e onde os recortes en aspectos tan básicos como a dignidade personal e no traballo facían que a xente sentise a necesidade de emigrar (a Alemaña, no caso do protagonista de El Verdugo) para sobrevivir.
     
    O cartel, que por terceiro ano consecutivo ve a luz na propia oficina do Festival de Cine, está formado por tres elementos básicos: un fondo de papel de estraza, “que nos recorda moito aos paquetes cos que os nosos emigrantes envolvían as súas pertenzas ao deixar o fogar”, segundo apuntaba César Silva; o número 18, que fai referencia á actual edición do Festival; e a alongada sombra da Calpurnia, que malia ser o trofeo representativo do Festival dende a primeira edición, aínda non aparecera reflectida en ningún dos carteis até o de agora.
     
    Se nos tempos de Berlanga era a alongada sombra do verdugo a que sobrevoaba sobre o cartel, neste 2013 é a Calpurnia a que planea sobre o evento cinematográfico máis importante de Ourense e de Galicia.

    Todas as novidades sobre o 18 Festival iranse anunciando a través da súa páxina web e a través das canles habituais de Facebook e Twitter. 
    Ourense, 26 de setembro de 2013.- O Auditorio Municipal acolleu esta mañá a presentación da programación para os últimos meses deste 2013. Arredor de 50 espectáculos conforman este programa, que supón unha aposta por actividades de primeiro nivel, e oferta para todos os públicos.

    Catro ámbitos principias sosteñen a oferta da Concellería de Cultura para este outono – inverno. No ámbito do teatro, onte presentábase a VI edición do Festival Internacional de Teatro de Ourense (FITO), que comeza o 5 de outubro; Cine, o Festival de Cine de Ourense – que se presentará nestes días, será entre o 16 e o 24 de novembro -; Programación Infantil, consolídase a oferta de teatro infantil os domingos pola mañá tras varias edicións con cada vez máis público; e a programación xeral, que traerá a Ourense unha variada oferta de actividades.

    A programación, foi presentada polo alcalde, Agustín Fernández, a Concelleira de Educación e Cultura, Ana Garrido, e o Técnico da Cultura, Manuel Freire. A primeira cita desta tempada, xa teremos o día 2 de outubro, coa visita da ópera L´elisir d´amore, da soprano Laura Alonso. 

     
    Páxinas: Primeiro ... 52 53 54 55 56 ... Último 

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica