- AUDITORIO MUNICIPAL
-
MUSEO MUNICIPAL E OUTROS ESPAZOS EXPOSITIVOS
-
CICLO FESTIVO E FESTIVAIS
-
OUTRAS FESTAS E AUTORIZACIÓNS
-
PREMIOS E SUBVENCIÓNS
Ourense, 2 de xullo de 2020.-
O Concello amplía a oferta cultural de verán con catro concertos de Alfonso Medela Trío, acompañados por Diana Tarín, na terraza do Centro Comercial Ponte Vella. Serán os mércores 15 e 29 de xullo e os mércores 12 e 26 de agosto, ás 20:30 horas e de balde, pero con todas as medidas de seguridade garantidas. “Esta é unha cidade de jazz”, afirmaba o concelleiro de Cultura, Mario González, que non atopa espazo mellor para estes concertos que o elixido: “un espazo público, co río Miño e a Ponte Vella de fondo”.
Alfonso Medela é un recoñecido pianista e compositor do Carballiño. Profesor superior de Piano, é especialista en Jazz e Música Moderna, así como creador de máis dun cento de temas propios. Nestes concertos estará arroupado pola súa formación habitual e acompañado pola voz de Diana Tarín.
Gonzalo Pérez, alcalde de Ourense, concorda con que tanto o emprazamento coma os horarios son todo un acerto, e asegura que con este tipo de iniciativas “imos levar o microliberalismo ao mundo da Cultura”. É dicir, “que os cidadáns poidan escoller a cultura que queren de forma que se adapte aos seus desexos”.
Ourense, xuño de 2020.-
O Museo Municipal ábrelle de novo as súas portas á cidade este martes 30 de xuño. Será coa colección de arte privada que custodia o Concello, 'Os nosos fondos'. Preténdese dar a coñecer aos propios ourensáns e a todo o público que veña a visitar a nosa cidade o importante patrimonio dos artistas locais: “Nun momento tan convulso coma o que estamos a vivir, é moi importante para a nosa identidade social e cultural amosar a colección de arte máis íntima dos nosos artistas máis destacados”, asegura Eva Torres, directora de Espazos Expositivos do Concello de Ourense.
A exposición, de carácter permanente, contén importantes mestres da pintura e da escultura ourensáns, caso de Prego de Oliver, Cándido Fernández Mazas, Luis Trabazo, Xaime Quesada, Antonio Quesada, Virxilio Fernández, Acisclo Manzano, Manolo Buciños, Xosé Cid, Vidal Souto, ou Alexandro, entre outros. Forman parte da colección de 1.306 obras de arte -pintura, escultura e debuxo- que se conservan e custodian no Museo Municipal de Ourense.
'Os nosos fondos' chega ademais co centenario da Revista Nós: o Concello quere renderlle así unha homenaxe ao traballo deste grupo de intelectuais e a un dos proxectos culturais colectivos máis singulares e universais que desenvolveu na cidade de Ourense.
O Museo Municipal de Ourense ocupa dende 1987 un antigo edificio renacentista do século XVII. A antiga casa da familia Méndez Montouto ten tres plantas, dúas dedicadas nos próximos meses a exposicións permanentes nas que se presentarán as coleccións privadas do Concello de Ourense a través de 'Os nosos fondos'. A terceira planta estará dedicada a exposicións temporais coma até o de agora: o 3 de xullo presentarase 'Cromática, bienal de pintura de arte novo'.
Emprazado na rúa Lepanto, antiga rúa da Obra -nome que lle deron os construtores que traballaron a pedra para a catedral desa rúa, xunto á entrada norte-, pódese visitar no seguinte horario: de martes a sábados, de 11:00 a 13:30 horas e de 18:30 a 21:30 horas; os domingos, de 11:00 a 13.30 horas; os luns permanece pechado.
Ourense, 16 de xuño de 2020.-
A cidade de Ourense xa coñece a súa programación cultural de verán, a que se desenvolverá na Terraza do Auditorio -parte traseira, con acceso desde rúa da Canle- os meses de xullo, agosto e setembro. Gonzalo Pérez, alcalde de Ourense, acompañado de Mario González, concelleiro de Cultura, e dun técnico municipal, foron os encargados de presentar o Verán Cultural, unha programación pensada para todos os públicos e na que se tomarán todas as medidas de seguridade necesarias: “Unha administración debe garantir as condicións sanitarias do público, pero tamén dos artistas e de todos os profesionais da cultura”, aseguraba o concelleiro Mario González.
O programa, de “transición” cara á normalidade “até que se poidan celebrar espectáculos masivos”, en palabras do alcalde, inclúe música de diferentes estilos (blues, folk, fusión, ópera), teatro e circo a cargo de compañías premiadas en certames nacionais e internacionais. Entre eles, o espectáculo de danza e pintura de Shakti Olaizola, ou o clásico de Shakespeare 'Moito ruído e poucas noces'.
As actividades comezarán ás 20:30 horas -salvo as de setembro, que se adiantan ás 20:00 horas-, espectáculos pensados para o aire libre e para que os asistentes poidan estar sentados. O lugar escollido é “estratéxico”, segundo o programador Manuel Freire, e permite dispoñer de camerinos para artistas, diferentes entradas e saídas para que non se apiñe o público, e mesmo para que poidan gozar da cidade no verán.
Enlace ao programa.
Enlace ao programa.
Ourense, 3 de xuño de 2020
O Concello de Ourense pechou a programación da que será a oitava edición do ciclo de música Enclave de Cámara, que se desenvolverá desde o día 1 de outubro na cidade. O programa mantén os concertos que tiveron que aprazarse debido á pandemia da COVID-19 e incorpora dous máis, facendo un total de dez. Conmemorarase a festividade dos músicos, Santa Cecilia, cun concerto do Dúo Cassadó e rematará o ciclo ao aire libre, na Praza de San Martiño en xuño do 2021 con Hércules Brass.
A programación do ciclo abrangue un amplo abano de posibilidades, desde os imprescindibles tríos con piano, os cuartetos de corda ou piano solo, ademais de propostas máis innovadoras e diferentes como un cuarteto de saxos, un dúo de pianos, un ensemble de ventos e piano e unha proposta orquestral coa Real Filharmonía de Galicia, xuntando ao tempo grupos consagrados, como o Cuarteto de Zagreb, un cuarteto histórico na música de cámara, promesas como o pianista francés Adam Laloum ou os Trío Sitkoveisky, os Kebyart ou o Hércules Brass, conxuntos todos de futuro prometedor e presente cheo de recoñecementos.
Ademais, os programas dos concertos acollerán estreas absolutas (en outubro a obra de Xabier Mariño Aquis auriensis) ou obras máis difíciles de escoitar como Anxos negros de Crumb, que interpretará o Cuarteto Ardeo. O ciclo non se esquece, evidentemente, de clásicos como Beethoven, no ano adicado ao compositor, Mozart, Shubert, Ravel, Tchaikovsky, Halffter, Granados, Falla ou Pärt. O ciclo contempla tamén a realización de actividades complementarias para o os estudantes de música.
Listaxe de concertos
1 de outubro do 2020. Airas Ensemble, quinteto de ventos con piano
12 de novembro do 2020. Dúo del Valle, dúo de pianos
22 de novembro do 2020. Dúo Cassadó, violonchelo e piano
3 de decembro do 2020.Real Filharmonía de Galicia, orquestra
14 de xaneiro do 2021. Kebyart Ensemble, cuarteto de saxos
4 de febreiro do 2021. Cuarteto de Zagreb, cuarteto de cordas
4 de marzo do 2021 Cuarteto Ardeo, cuarteto de cordas
8 de abril do 2021. Adam Laloum, piano solo
6 de maio do 2021. Trío Sitkovesky, trío de cordas
3 de xuño do 2021 Hércules Brass, Quinteto de metais
Ourense, 20 de abril de 2020
A Concellería de Cultura do Concello de Ourense ven traballado, dende a declaración do estado de alarma, co obxectivo de recuperar e reforzar a actividade cultural da cidade. Con tal fin, prepárase unha programación de rúa para os meses de xullo, agosto e setembro, sempre que as circunstancias sanitarias o permitan, con espectáculos itinerantes de artes escénicas e unha especial presenza da música e do teatro. Os espectáculos desenvolveranse de forma itinerante para evitar que o público forme concentracións.
Con este modelo haberá actividades semanais para todos os públicos, que dinamizarán varios días as rúas da cidade con propostas que, polo seu formato, se adaptan ás restricións que obriga a pandemia.
Por outra banda, o Concello está adiando para novas datas, a partir do mes de setembro, as actividades incluídas na programación do Auditorio e nos ciclos musicais afectadas polo estado de alarma, sempre coa idea de non cancelar, salvo que sexa inevitable, e planificando desde setembro, como medida prudente para non sufrir novos aprazamentos.
Tamén ultima novas exposicións nos diferentes espazos expositivos municipais, coma a que pretende dar a coñecer á cidadanía os fondos propios do Concello de Ourense “Os nosos fondos”, que acollerá o Museo Municipal.
Así, o Concello vénse anticipando a moitas das propostas que o sector das artes escénicas demanda das administracións públicas e que se recollen nas 52 medidas presentadas ao Ministerio de Cultura polas principais asociacións das artes escénicas e da música, entre a que está "La Red de Teatros y Auditorios de Titularidad Pública" á que pertence o Auditorio de Ourense. Auditorio de Titularidad Pública" á que pertence o Auditorio de Ourense.
Ourense, 13 de abril de 2020
A Concellería de Cultura do Concello de Ourense traballa nun novo formato para a celebración das Festas de Ourense 2020, no vindeiro mes de xuño, adaptado á nova realidade xerada pola pandemia do COVID-19, e ás restricións que esta impón. “Estamos pendentes do horizonte que se nos marque”, asegura o concelleiro de Cultura, Mario González, “pero queremos facer unha adaptación das festas á situación que estamos a vivir, e animar a xente pero tendo en conta as normas que nos veñen marcadas de seguridade”. Entre elas, a imposibilidade de organizar actividades, como concertos que reúnan máis de 4.000 persoas.
Neste senso, a pandemia obrigou a cancelar unha chea de propostas de actividades organizadas polo Concello que estaban previstas para as pasadas semanas e as próximas, caso do Festival de Música Sacra, da próxima Festa dos Maios, que o Concello prevía estender a catro días de actividades culturais para potenciala como celebración singular da cidade, do Día das Letras, para a que se prevía unha semana de actividades, ou da convocatoria de novoscertames literarios, o Concurso de relatos Nós.
A Concellería de Cultura do Concello de Ourense traballa nun novo formato para a celebración das Festas de Ourense 2020, no vindeiro mes de xuño, adaptado á nova realidade xerada pola pandemia do COVID-19, e ás restricións que esta impón. “Estamos pendentes do horizonte que se nos marque”, asegura o concelleiro de Cultura, Mario González, “pero queremos facer unha adaptación das festas á situación que estamos a vivir, e animar a xente pero tendo en conta as normas que nos veñen marcadas de seguridade”. Entre elas, a imposibilidade de organizar actividades, como concertos que reúnan máis de 4.000 persoas.
Neste senso, a pandemia obrigou a cancelar unha chea de propostas de actividades organizadas polo Concello que estaban previstas para as pasadas semanas e as próximas, caso do Festival de Música Sacra, da próxima Festa dos Maios, que o Concello prevía estender a catro días de actividades culturais para potenciala como celebración singular da cidade, do Día das Letras, para a que se prevía unha semana de actividades, ou da convocatoria de novoscertames literarios, o Concurso de relatos Nós.
Ourense, 12 de marzo de 2020.-
O alcalde de Ourense, Gonzalo Pérez Jácome, reuniuse este mediodía de urxencia cos voceiros de todos os grupos municipais para comunicarlles as medidas que implantará o Concello de Ourense en relación coa expansión do coronavirus desde este momento. Tamén convocou para mañá venres unha reunión da xunta de portavoces na que afondar máis polo miúdo en todos estes aspectos.
O alcalde de Ourense, Gonzalo Pérez Jácome, reuniuse este mediodía de urxencia cos voceiros de todos os grupos municipais para comunicarlles as medidas que implantará o Concello de Ourense en relación coa expansión do coronavirus desde este momento. Tamén convocou para mañá venres unha reunión da xunta de portavoces na que afondar máis polo miúdo en todos estes aspectos.
O Concello de Ourense entende que debe seguir o ronsel das autoridades sanitarias -o Estado e a Xunta de Galicia- no tocante ás medidas preventivas e restritivas para paliar o caso de contaxios do COVID-19 (coronavirus), e desde este momento cancela todas as actividades de cursos e actividades organizadas polo Concello na que participen grupos de persoas.
Inclúense aquí clases, cursos ou actividades das escolas deportivas en instalacións municipais, clases dos programas formativos da Universidade Popular, das escolas municipais de música e de teatro, así como de todas aquelas programadas na rede de centros cívicos municipais, o Espazo Lusquiños, a piscina termal das Burgas, actividades das asociacións veciñais e, en definitiva, todas aquelas actividades de grupo que dependen do Concello.
Todo isto na liña das medidas anunciadas esta mañá polo presidente da Xunta, Alberto Núñez Feijóo: peche de centros sociocomunitarios, suspensión da actividade lectiva e extra escolar durante 14 días, limitar a 50 persoas o aforo en espazos pechados e protocolo de actuación no emprego público
Comité de seguridade
O concelleiro de Recursos Humanos, Armando Ojea, presidiu esta mañá a xuntanza do comité de seguridade do Concello de Ourense, no que participan xunto ao goberno municipal, os sindicatos con representación no Concello de Ourense, CSIF, CCOO, SAP, SPPME, CIG, USO, e UGT, o director xeral de Recursos Humanos e o equipo técnico do servizo de prevención do Concello.
Na xuntanza trasladoulles a vontade de definir medidas fronte á expansión do coronavirus, seguindo as directrices que definan as autoridades sanitarias, tendo como referencia as que se determinen na xuntanza que no día de hoxe mantén o conselleiro de Sanidade coa Federación Galega de Municipios e Provincias.
Ourense, marzo de 2020.-
Teatro dramático con Si esto es un hombre, de Cámara Negra, e música pop con Café Quijano son as dúas propostas do Auditorio Municipal de Ourense para esta semana.
Xoves 12 de marzo, 20:30 horas - Teatro
A obra da compañía galega recrea nun escenario o relato que escribiu Primo Levi cando, en 1944, foi deportado a Auschwitz, aos 24 anos de idade. En 2020, (76 anos despois), un actor sobe ao escenario e enfróntase ao reto de revivir a experiencia de Levi, para tentar así comprender (se é que é posible) que foi Auschwitz e que supón para nós, espectadores e espectadoras do século XXI, que existise ese lugar en plena Europa de mediados do século pasado. A obra propón unha viaxe cara ao lado máis escuro do ser humano do noso mundo contemporáneo.
Sábado 14 de marzo, 20:30 horas - Música
O sábado á mesma hora chega a Ourense a xira 2020 de Café Quijano. O grupo presenta o seu novo traballo La vida no es La La La. O espectáculo compila dúas décadas de éxitos, entre eles os intensos e sensitivos boleros que lles fixeron merecedores de cinco nomeamentos aos premios Grammy latinos: case dúas horas de historia viva do pop latino presentándonos o seu fresco novo son pop con éxitos do momento.
As entradas para os dous espectáculos pódense adquirir a través da páxina web www.ataquilla.com, no teléfono 902 504 500, na Sede de Afundación (Praza Maior, 4) e no despacho de billetes do Auditorio dúas horas antes da función.