CONTACTO

  • Maios
  • PdoP
  • Prem poesía
  • MMOu
  • EdC
  • Volver

    Ourense, 4 de decembro de 20132.-As escaleiras do gran hotel, é a obra gañadora do XIV Premio Risco de Creación Literaria. Trátase dunha trama de intrigas polítcas e ideolóxicas previo á Segunda República. A protagonista é unha feminista adiantada ao seu tempo, que racha co modelo familiar da época e soña cun futuro de independencia económica e intelectual.
     
    Esta decisión foi adoptada despois de máis de dúas horas de deliberación, nas que o xurado destaca a gran calidade literarias das obras presentadas. O xurado estivo formado por: María Garrido Rodríguez, Xoán Carlos Feixoo Mirón, Serafín Alonso Pintos, Ánxela Gracián e o gañador da edición pasada Alberto Ramos.
     
    Premio Risco de Creación Literaria
     
    O Concello de Ourense ven desde hai anos colaborando co Premio Risco de Creación Literaria, unha iniciativa da Fundación Vicente Risco, que ten como finalidade promover a creación literaria nun dos eidos máis amados por Vicente e Antón Risco, como o da Literatura Fantástica. Desde a edición do 2006 pasa formalmente a denominarse Premio Risco de Creación Literaria.
     
    O galardón, que este ano acadou a súa XIV edición, conta tamén coa colaboración da editorial Sotelo Blanco. É un premio de carácter anual, co fin de abranguer os diferentes campos da obra non só de quen foi veciño ilustre – Vicente Risco - senón tamén a do seu fillo, don Antón Martínez – Risco Fernández, veciños que foron desta cidade.
     
    A obra gañadora é premiada con 6.000 € xunto coa publicación do libro.  
    Ourense, 28 de novembro de 2013.- A compañía ourensá Sarabela presentou esta mañá a súa última montaxe A Idade da Pavía, unha obra que conta a historia de amores, felicidades sinxelas, rancores, esquecementos e recordos trastornados, envolta dun realismo máxico característico da pluma do seu autor, Arístides Vargas.
     
    A Idade das Pavíasestá dirixida por Ánxeles Cuña, e conta co equipo habitual de artistas da compañía ourensá. Ten unha duración dunha hora e vinte minutos, e representarase os vindeiros días en sesións para escolares pola mañá e pola tarde para adultos. Este novo espectáculo de Sarabela está patrocinado pola concellería de Educación e Cultura do Concello de Ourense.
     
    As representacións serán no Auditorio Municipal as 11 h da mañá dos días 2 (este día tamén as 16 h), 3, 4 e 5 de decembro. A maiores tamén haberá sesións pola tarde ás 20.30 h os días 29 (estrea) e 30 de novembro e 1, 4 e 5 de decembro. O prezo para os pases de tarde será de 5 €. 
    Ourense, 28 de novembro de 2013.-Esta mañá presentouse no Museo Municipal o proxecto Vidas Entrecruzadas, que ao longo do vindeiro 2014 traerá pezas artísticas acompañadas de textos a este espazo municipal. A idea parte dos propios protagonistas Xosé Lois Carreira e Iñaki Aranzabal, que elaboraron esta singular exposición que cada mes do ano que vén terá unha obra distinta. Posteriormente a obra se subastará e a recadación irá para a organización Médicos sen Fronteiras. A súa representante, Laura García, agradeceu esta idea, e informou dos importantes proxectos de cooperación que esta organización leva a cabo.
    Pola súa banda, a concelleira de Educación e Cultura, Ana Garrido, fixo fincapé na importancia deste tipo de accións, ademáis de subliñar que con cada obra do mes tamén pasarán escolares en visitas que organizará o departamento de Educación. 

    Ourense, 26|11|12. O Festival de Cine Internacional de Ourense pecha a súa decimo oitava edición cun balanzo de 42 títulos presentados (en 79 sesións diferentes) e case nove mil participantes nas súas actividades. En total, foron 9.383 os asistentes ás diferentes actividades do certame, destacando as 8.803 que acudiron ás salas de cine.  

    Por espazos, o Auditorio Municipal pecha cuns números envidiables: 7.803 entradas, segundo datos facilitados por Novagaliciabanco, xestor dos recursos da taquilla. Nos outros espazos do 18OUFF rexistráronse os seguintes datos de asistencia: polo Centro Cultural Marcos Valcárcel pasaron 300 persoas, e máis do dobre polo Teatro Principal, 700, un número considerable tendo en conta que só se programaron galas coma as da entrega do Premio ao Mellor Guión Adaptado a Ángel de la Cruz ou a homenaxe a Pedro Olea, coa proxección de El bosque del lobo. 

    Os números complétanse co público que tamén asistiu ás actividades paralelas e de ocio, todas ellas gratuitas: os concertos de El Tragaluz congregaron un total de 520 persoas, mentres que ao Ateneo foron un total de 60 o martes pola noite.

    Se desglosamos os números, atopamos que Offline foi a película máis vista, con 190 espectadores (63 de media en cada un dos seus tres pases). Ao resultar vencedora en dúas categorías (premio do público e mellor director), tivo dous pases máis, co que a cifra chegou aos 283 espectadores totais. Fóra da competición, Viaje al fin de la noche, de Raúl García, foi a máis vista con 701 persoas. As galas de inauguración e clausura contaron con 795 e 661 espectadores respectivamente.

    Por días, os comprendidos entre o luns 18 e o mércores 20 (coa devandita proxección de Viaje al fin de la noche, o primeiro, as dúas galas do OUFFescola no Auditorio e as galas do Teatro Principal os outros dous) foron os que máis público levaron ao 18OUFF. E, para pechar, o propio domingo 24 subiron até o Auditorio un total de 358 persoas para contemplar as películas premiadas.

    Valoracións do público

    A película máis valorada polo público do 18OUFF foi Offline, premio do público 2013, cunha puntuación media de 4,3 puntos sobre 5. Seguíronlle El Rayo (4,16) e El triste olor de la carne (3,88). Curiosamente, o criterio do público foi dispar co do Xurado: para os espectadores, Paradis perdu -Calpurnia á mellor película- acadou unha nota media de 3,34 puntos. En calquera caso, o público foi moi activo á hora de participar e todas as películas da competición superaron o aprobado.

    Outros feitos a ter en conta pode ser o máis de medio cento de profesionais que pasaron polo 18OUFF para participar activamente do certame. Moitos deles pasaron polos almorzos entre directores de El Tragaluz, un interesantísimo formato que se debe repetir para anos posteriores xa que foi unha orizinal forma de xuntar xente de procedencias e traxectorias diversas (mesmo de disciplinas, coma no caso do domingo, no que compartiron mesa os directores de El Rayo e os músicos de Los Suaves).

    A presenza de directores suscitou o interese do público, que participou moi activamente nos debates que se producían despois das proxeccións: casos especiais foron os de Queimar o monte ou Asolagados, no Teatro Principal, alén dos das películas en competición.

    Por último, destacar as películas MIR, Metílico: a bebida da morte, Onde as rúas non teñen nome, Magic:The Gathering ou 100%CEF: unha biografía de Celso Emilio Ferreiro, títulos exclusivamente ourensáns.

     
    Ourense, 25 de novembro de 2013.- Varias son as actividades que esta semana organiza a concellería de Cultura do Concello de Ourense no Auditorio Municipal. Para empezar, o xoves día 28 a partir das 20.30 hMisión Sapiens traerá un espectáculo de autoaxuda que en menos de dúas horas te transformará nun ser humano culto, educado e capaz de manter unha conversa sobre calquera tema sen quedar como un burro. Cinco grande eruditos de diversos campos tentarán meter coñecementos dentro da túa cabeza, queiras ou non, polas boas ou polas malas. A venda de entradas é en www.servinova.com, e dúas horas antes da actuación.
    O venres 29, aBanda Municipal de Ourense, ofrece un concerto para escolares ás 10 h. 130 anos de traxectoria musical que achegarán aos escolares o mellor repertorio da histórica agrupación ourensana.
    Ese mesmo día pola noite  - 20.30 h – a compañía Sarabela estrea a súa última creación. A idade das pavías, que contará a historia dunha antiga casa no que o tempo se detén  para abrir as portas do pasado. Un pasado no que vive na nosa memoria e que volve en recordos co cheiro ao viño de ameixa e ratas grises escaravellando os recunchos da nosa mente. Conta a historia de tres xeración dunha familia de mulleres, vista a través da mirada inocente das dúas nenas da última xeración; poñendo en evidencia a necesidade que ten o ser humano de non estar só malia as dificultades que ten a convivencia. Esta obra se poderá ver os días 30, 1, 4 e 5 ás 20.30 h; tamén ten pases para escolares os días 2, 3, 4, 5 ás 11 h. A venda de entradas será dúas horas antes da actuación.
    O domingo, fieis a cita coa actividade dirixida ao público infantil, teremos de fábula dirixida a maiores de 4 anos. Neste relato coñeceremos a raposa Bulebule, que xa ten idade para deixar a cada dos pais, e saír a procurar seu propio sustento. O bosque agárdalle cheo de riscos, e ela non ten experiencia para facerlles frente. Porén, a súa ousadía e astucia permitiranlle ir superando situacións comprometidas. Mais tamén traeranlle inimizades; entre elas, a do mesmísimo rei do bosque: o lobo Rapatundas. Esta obra sustitúe a O señor das dunas, que suspéndese pola indisposición dun dos membros da compañía. 
    Ourense, 24 de novembro de 2013.- A concellería de Cultura informa que a ópera Carmen, actividade que estaba prevista para mañá luns 25 de novembro ás 20.30 h no Auditorio Municipal, quedou finalmente suspendida por decisión da compañía. 
    Ourense, 21 de novembro de 2013.-Dentro do festival Outono Fotográfico quedou inaugurada esta mañá unha nova exposición denominada Take my picture. As obras, do artista Xulio Correa estarán na Sala II do Museo Municipal ata o vindeiro 15 de decembro.
     
    Este proxecto artístico está composto por un total de 19 obras, divididas en 8 de gran formato, que respostan a unha impresión fotográfica sobre lenzo, e 11 fotografías con cristal distribuidas en dous grupos de 5 e 6, coa temática de fusión manual de múltiples formas documentais. A maiores tamén hai 2 traballos de vídeo creación con conexión a internet, ofrecendo no espazo expositivo do Museo imaxes en ciudades de todo o Mundo en tempo real.
     
    Xulio Correa é un artista da Coruña e o seu traballo encóntrase integrado en varias coleccións públicas e privadas e documentado en diversas publicacións, tendo traballado como artista en borrar as fronteiras entre as distintas formas de expresión artística e en ampliar os límites do fotográfico. Para máis información www.xuliocorrea.com
    Ourense, 20 de novembro de 2013.- O Festival de Cine alcanza o seu ecuador, e xa son arredor de 5.000 persoas as que asistiron e participaron nalgunha das proxeccións e actividades paralelas organizadas. A concellería de cultura celebra a participación e implicación da xente, e a alta asistencia de persoas ao Auditorio Municipal neste primeiro ano no que alberga proxeccións continuas e nas 3 salas.
    A maiores do OUFF, o domingo a programación cultural non se detén, e seguimos fieis á cita co espectáculo infantil que desta volta ven da man de Pedro Volta coa actividade Ilusionante. A través dunha caixa na que garda xoguetes e obxectos da súa infancia, vai levando ao espectador a un mundo de fantasía, facendo incribles e sorprendentes números de maxia ao mesmo tempo que conta historias fantásticas. Será na Sala Azul a partir das 12 h.
    Xa pola tarde ás 19 h na Sala Principal, regresa a Ourense un clásico dos monólogos para o que xa están todas as entradas esgotadas. Leo Harlem, desta vez acompañado por Dani de la Cámara, dous dos mellores monologuistas deste país unen as forzas e volven xuntos de xira, para presentar o seu novo espectáculo e repetir o éxito arrasador da pasada entrega. Noventa minutos de gargalladas continuas nun paseo polo lado máis cómico da vida cotiá.
    E para rematar o luns día 25 a partir das 20.30 h a ópera Carmen visita o Auditorio. Amor, morte, ciumes... todo iso converxe na ópera máis famosa de Bizet: Carmen. A historia dunha fermosa cigarreira de Sevilla á que todos os homes cortexan, salvo o sarxento Don José, que a despreza. Pero cando é detida e posta baixo a súa garda, Don José cae baixo o seu feitizo e déixaa escapar. Carmen xogará co seu amor e provocará nel uns ciumes enfermizos ao descubrir que ela está namorada do toreiro Escamillo.
    Máis información en www.ourensecultura.com. 
    Páxinas: Primeiro ... 58 59 60 61 62 ... Último 

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica