- AUDITORIO MUNICIPAL
-
MUSEO MUNICIPAL E OUTROS ESPAZOS EXPOSITIVOS
-
CICLO FESTIVO E FESTIVAIS
-
OUTRAS FESTAS E AUTORIZACIÓNS
-
PREMIOS E SUBVENCIÓNS
Os premios da Cultura Galega distinguen o programa Apego, no que participa o Concello de Ourense
Ourense, decembro de 2017
O programa Apego para a dinamización sociolingüística, do que o Concello de Ourense forma parte -xunto con outros 30 concellos de Galicia-, vén de ser recoñecido pola Consellería de Cultura, Educación e Ordenación Universitaria como Premio da Cultura Galega na categoría de Lingua. Apego procura incentivar, favorecer e colaborar na socialización en galego da infancia facilitándolles ás familias materiais físicos e espazos de socialización en galego, caso das representacións para bebés no Auditorio Municipal.
Os Premios da Cultura Galega para o ano 2017 distinguiron tamén a Oliver Laxe, premio Cidade de Ourense, na categoría de Audiovisual, e á música ourensá Cristina Pato, na categoría de Proxección Exterior, entre outros. O xurado, presidido polo conselleiro Román Rodríguez, estivo formado por profesionais de prestixio como Chelo Matesanz, Xosé Manuel Budiño, Dolores Ben ou Belén Pichel.