CONTACTO

  • Letras Galegas 2018
  • Auditorio
  • EdC
  • Concello de Ourense - Cultura - AUDITORIO MUNICIPAL

    O Auditorio estrea o sábado Sénior, unha reflexión en clave de humor sobre os problemas dos 50 con Luís Iglesia e Marcos Orsi

    Ourense, 28 de febreiro de 2018
     
    O Auditorio municipal de Ourense acollerá o sábado, 3 de marzo, ás 20:30 horas a estrea de “Sénior”, a nova produción de Culturactiva. A obra une sobre o escenario a dous grandes das artes escénicas galegas: Luís Iglesia e Marcos Orsi, para planear “unha reflexión en clave de humor acerca das problemáticas típicas dos cincuenta anos”, en palabras de Luís Iglesia. 
     
    O texto, orixinal e dirixido por Avelino González, aborda temas como a saúde, o desemprego ou a necesidade de usar lentes, entre outros, propios desta etapa na que “es demasiado novo para ser vello e demasiado vello para ser novo”, en palabras de Iglesia. “A cuestión é non chorar -dixo pola súa banda Marcos Orsi-, e falar do ben que se está nesa idade, na que tes experiencia e tes forza”. 
     
    A concelleira de Cultura, Belén Iglesias, o programador do Auditorio, técnico Manuel Freire e os dous actores presentaron a obra esta mañá no salón de plenos do Concello. A concelleira salientou a boa resposta de público que está a acadar o espazo municipal nos espectáculos programados, e puxeron en valor a satisfacción do Concello de que a primicia desta obra sexa na nosa cidade.
     
    Durante esta semana, o auditorio acollerá espectáculos tan atraentes como a obra “Elisa e Marcela” de A Panadería, mañá, xoves, 1 de marzo, ás 20:30 horas. Interpretada por Areta Bolado, Noelia Castro e Ailén Kendelman, conta con 6 nominacións aos premios María casares, incluída mellor obra, dirección e actriz. O venres 2, ás 18.00h, a sala apego acollerá “Contos do Chupete”, de Migallas Teatro, para bebés de ate 3 anos. O sábado ás 20:30h será a quenda de “Sénior”, de Culturactiva e o domingo, 4, o doa programación infantil, con “Peter Pan e Wendy-”, de El perro azul, ás 12,00h.

    Toda as entradas en ataquilla.com.

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica