CONTACTO

  • Natal
  • Ndal
  • Ciclo Lírico
  • EdC
  • Auditorio
  • 26 vídeos ourensáns participarán na segunda edición dos premios Youtubeir@s, cuxa gala será o 20 de abril

    Ourense, abril de 2018.
     
    A segunda edición dos Premios Youtubeir@s, co lema de Mostra o Youtubeir@ que levas dentro, celebra a gala final o vindeiro 20 de abril na Coruña logo de recibir máis de 300 vídeos presentados nas súas tres categorías: video-opinarmos, vídeo - facermos e canles. Estes premios repartirán 5.500 euros e, entre os participantes, haberá unha nutrida representación ourensá: 5 vídeo opinarmos, 6 vídeo-facermos e 3 canles con cinco vídeos cada unha.
     
    A participación estivo moi repartida por todo o territorio galego, máis nos ámbitos urbano e vilego e menos no rural. Por idades, a maior participación é na franxa de idade de 30 a 50 anos (o 40%) seguido de 18 a 20 anos co 31%. Nesta edición apréciase unha mellor calidade nos vídeos que na pasada,e aínda que segue a haber xente que só presenta un vídeo, contamos tamén coa participación de youtubeir@s xa consolidados que posúen as características propias destes: polo xeito de facelos, xeración de comunidade, periodicidade creando contidos..; algún xa contan cunha comunidade consolidada.
     
    En canto á temática haberá vídeos que tratan temas de actualidade: Igualdade de xénero; vídeos como ferramenta educativa: vídeos técnicos; que recollen a sabedoría popular de persoas maiores; e tamén contamos cos habituais de cociña e vídeos de horta.
     
    Os responsables do programa decláranse moi satisfeitos co proxecto xa que entenden que “foi capaz de introducir o galego como lingua vehicular dos xénero propios do youtube, incorporando nesta edición as rewies, e os remakes, por exemplo”.
     
    O pasado ano, a gala de entrega de premios tivo lugar no Teatro Principal de Ourense.

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica