CONTACTO

  • Magosot
  • Expo La Caixa
  • EdC
  • Auditorio
  • Concello de Ourense - Cultura - MUSEO MUNICIPAL

    O Museo Municipal acolle desde mañá Píxel, exposición na que o caricaturista Omar Pérez amosa os seus máis recentes traballos

    Ourense, outubro de 2018
     
    O Museo Municipal de Ourense acolle a exposición Píxel, de Omar Pérez. Unha colección na que o caricaturista, ilustrador e deseñador nado en Arxentina e radicado en Ourense vai 20 anos, realiza unha crítica social e do momento que se vive na actualidade. A mostra reúne case 50 ilustracións en formato pequeno e mediano, nas que Omar propón unha viaxe ao redor do mundo visitando exposicións, mostras, certames, campañas solidarias, homenaxes, con temas recorrentes como a contaminación, o cambio climático, a migración, Europa, a paz, Trump, ou as redes sociais… Mais tamén denuncia situacións non tan presentes na nosa axenda: as vodas de nenas, os abusos e a violencia, a pobreza, ou a explotación infantil, que debuxados nas súas viñetas van directas ao corazón do espectador. A exposición permanecerá aberta ao público, na sala 3, ate o día 9 de decembro.
     
    Omar Pérez (Villa María, Córdoba. Arxentina (1956), é licenciado en Belas Artes,  humorista gráfico, caricaturista, ilustrador e deseñador gráfico.
    En 1980 publica os seus primeiros traballos en Hortensia. Colabora en diversas publicacións arxentinas: Noticias, El Diario, Diario Puntal, El País, Río Revuelto, El Garrotazo, Impulso... Desde 1989 radica en Ourense, e publica practicamente en toda a prensa galega: La Voz de Galicia, Orense Diario, Xornal Diario, Diario 16, La Región, Mundiario.com. Tamén é ben coñecido na cidade por ter liderado, xunto a Benito Losada, a Bienal de caricatura que durante moitos anos se celebrou no Museo Municipal.
     
    Asistiu e participou en exposicións e mostras logrando premios e distincións por todo o mundo. Realiza exposicións individuais en Arxentina, España, Portugal, Francia, Italia. Rei do Humor en Italia 2011. Xurado internacional en España, Portugal, Turquía, Chipre.., representante para España de UWC (Unión de debuxantes do mundo).

    Concellería de Cultura
    Concello de Ourense
    2017

     

    Rúa da Canle, 1
           32005 Ourense

     

       988 391 290

    Contacto

     

    Accesibilidade

     

    Permisos

    Cultura nas redes:

     

      Facebook

     

      Twitter

     

      Youtube

    Diseñado y programado por ACV Galaica