- AUDITORIO MUNICIPAL
-
MUSEO MUNICIPAL E OUTROS ESPAZOS EXPOSITIVOS
-
CICLO FESTIVO E FESTIVAIS
-
OUTRAS FESTAS E AUTORIZACIÓNS
-
PREMIOS E SUBVENCIÓNS
Un deseño do artista ourensán Christian Randolfe Amorín será o cartel das Festas do Magosto 2019
Ourense, 23 de outubro de 2019
Un deseño do artista Christian Randolfe Amorín, natural e residente da cidade, será o cartel das Festas do Magosto de Ourense 20019, unha gfesta de interese turístico. O xurado do concurso convocado polo Concello elixiu o traballo do ourensán, que representa unha lapa en cores sólidas vermella e amarela sobre fondo negro, polo seu deseño naïf ao tempo que rechamante. Un cartel directo e moi eficaz que identifica perfectamente a festa a través dun dos seus elementos máis representativos: o lume que acendemos para asar as castañas.
Christian Randolfe, de 23 anos, recibirá un premio de 800 euros como gañador do concurso. A súa creatividade será a imaxe dunha festa tradicional e representativa da cidade, que o Concello de Ourense quere potenciar decididamente desde este ano, estendendo a varios días a súa celebración e dotándoa dun amplo programa de actividades participativas, a maiores do habitual Magosto popular.
A programación completa das festas dos Magostos e do Samaín 2019 será presentada mañá, xoves, polo concelleiro de Cultura, Mario González, e técnicos desta área municipal.